យុវនារីម្នាក់សម្រេចចិត្តចងក ធ្វើអត្តឃាតសម្លាប់ខ្លួនដោយសង្ស័យថាតូចចិត្តខ្លួនឯងប្រឡងបាក់ឌុបធ្លាក់
11-September-2017 | ដោយ ពល បញ្ញា
កណ្ដាល ៖ យុវនារីម្នាក់សម្រេចចិត្តចងក ធ្វើអត្តឃាតសម្លាប់ខ្លួនយ៉ាងអណោចអធម៌ទៅនិងធ្នឹមផ្ទះ ដោយសង្ស័យថា តូចចិត្តនិងខ្លួនឯងព្រោះប្រឡងបាក់ឌុបធ្លាក់ ។ ករណីយុវនារីចងក ធ្វើអត្តឃាតសម្លាប់ខ្លួនបង្កឲ្យមានការភ្ញាក់ផ្អើលឡើងនៅវេលាម៉ោង១៨និង១៥នាទី ថ្ងៃទី១០ ខែកញ្ញា ឆ្នាំ២០១៧ ត្រង់ចំណុចលើផ្ទះ ក្នុងបន្ទប់ ស្ថិតក្នុងភូមិត្រពាំងទួល ឃុំសំរោងលើ ស្រុកអង្គស្នួល ខេត្តកណ្ដាល ។
មន្ត្រីនគរបាលផ្នែកកោសល្យវិច្ច័យនិងបច្ចេកទេសវិទ្យាសាស្ត្របានឲ្យដឹងថា ជនរងគ្រោះឈ្មោះ អោក សុភាព ភេទស្រី អាយុ១៩ឆ្នាំ ជនជាតិខ្មែរ មុខរបរសិស្ស មានទីលំនៅភូមិត្រពាំងទួល ឃុំសំរោងលើ ស្រុកអង្ឋគស្នួល ខេត្តកណ្ដាល ។
ប្រភពដដែលបន្តថា តាមការបំភ្លឺរបស់ម្ដាយរងគ្រោះបានឲ្យដឹងថា នៅមុនពេលកើតហេតុ រូបគាត់ជាម្ដាយបានត្រឡប់មកពីវត្តវិញបាននិយាយជាមួយជនរងគ្រោះជាកូនថា បងប្អូនជីដូនមួយរបស់កូនប្រឡងបាក់ឌុបជាប់ហើយ ចុះកូនវិញប្រឡងជាប់អត? ភ្លាមនោះជនរងគ្រោះ(កូន)បាននិយាយម្ដាយថា មិនដឹងដែរ ។ លុះរហូតម៉ោងប្រមាណ១៨ ខែឆ្នាំកើតហេតដដែល ជនរងគ្រោះបានប្រាប់ម្ដាយថា ខ្លួនគេប្រឡងធ្លាក់គឺពុំជាប់ទេ សូមម៉ែកុំបន្ទោស រួចក៏ឡើងទៅខាងលើផ្ទះបាត់ទៅ។ លុះរហូតបានមួយសន្ទុះក្រោយមកមិនឃើញជនងរងគ្រោះ(កូន) ចុះពីលើផ្ទះមកវិញ ក៏មានការងឿងឆ្ងល់ រួចក៏ហៅជនងគ្រោះតែមិនលឺសម្លេងជនរងគ្រោះឆ្លើយតបទេ ថែមទាំងស្ងាត់ជ្រងំផងដែរ ភ្លាមនោះរូបគាត់ជាម្ដាយក៏បានឡើងទៅមើលនៅលើផ្ទះ ស្រាប់តែឃើញកូនស្រីរបស់គាត់បានស្លាប់ដោយសារចងក ធ្វើអត្តឃាតសម្លាប់ខ្លួនជាមួយខ្សែរនីឡុងទៅនឹងធ្នឹមផ្ទះបាត់ទៅហើយ ក៏បង្កឲ្យមានការភ្ញាក់ផ្អើលឡើងដល់ប្រជាពលរដ្ឋជិតខាងនិងរាយការណ៍ជូនសមត្ថកិច្ចចុះមកធ្វើការពិនិត្យនិងកោសល្យវិច្ច័យផងដែរ ។ ក្រោយពីពិនិត្យរួចបញ្ជាក់ថា ជនរងគ្រោះពិតជាស្លាប់ដោយសារចងកធ្វើអត្តឃាតសម្លាប់ខ្លួនពិតប្រាកដមែន ពុំមានជាប់ពាក់ព័ន្ធទៅនិងបទល្មើសអ្វីផ្សេងឡើយ ។ ក្រោយពីពិនិត្យចប់ សាកសពជនរងគ្រោះត្រូវបានក្រុមគ្រួសារយកទៅចាត់ចែងធ្វើបុណ្យតាមប្រពៃណី ។
ករណីខាងលើនេះ សមត្ថកិច្ចសន្ឋិដ្ឋានថា សង្ស័យយុវនារីរងគ្រោះតូចចិត្តនឹងខ្លួនប្រឡងបាក់ឌុបមិនជាប់ ទើបសម្រេចចិត្តចងក ធ្វើអត្តឃាតសម្លាប់ខ្លួនយ៉ាងដូច្នេះ ៕
ចំនួនអ្នកទស្សនា
- ថ្ងៃនេះ2791
- ម្សិលមិញ9421
- សប្តាហ៍នេះ58451
- ខែនេះ173601
- ឆ្នាំនេះ173601
- សរុប20616057