​ភ្នំពេញ ៖ ជនសង្ស័យ​ម្នាក់​ដែលជា​មុខសញ្ញា​ជួញដូរ​ដោយ​ខុសច្បាប់​នូវ​សារធាតុ​ញៀន ត្រូវបាន​កម្លាំង​នគរបាល​អន្តរាគមន៍​សហការ​ជាមួយ​កម្លាំង​នគរបាល​ព្រហ្មទណ្ឌ នៃ​អធិការដ្ឋាន​នគរបាល​ខណ្ឌ​ពោធិ៍​សែន​ជ័យ ឃាត់ខ្លួន​ជាក់ស្តែង ខណៈពេល​កម្លាំង​ល្បាត​ការពារ​ទប់ស្កាត់​បទល្មើស​ក្នុងភូមិ​សាស្ត្រ​ដែល​ស្មុគស្មាញ​។ នៅវេលា​ម៉ោង​២១​និង​៣០​នាទី ថ្ងៃទី​១១ ខែកញ្ញា ឆ្នាំ​២០១៧ នៅ​ចំណុច​ផ្លូវ​បេតុង ភូមិ​ថ្មគោល សង្កាត់​ចោមចៅ ខណ្ឌ​ពោធិ៍​សែន​ជ័យ ។​

​លោក​វរសេនីយ៍ឯក យឹម សារ៉ាន់ អធិការ​ខណ្ឌ​ពោធិ៍​សែន​ជ័យ​បាន​ឲ្យ​ដឹងថា​ជនសង្ស័យ​ឈ្មោះ ទ្រី កា ភេទ​ប្រុស អាយុ ២៨​ឆ្នាំ មុខរបរ ជាងកាត់ដេរ សា្ន​ក់នៅ​ភូមិ​ថ្មគោល សង្កាត់​ចោមចៅ​ខណ្ឌ​ពោធិ៍​សែន​ជ័យ​។​

វត្ថុតាង​ដកហូត​៖ ម្សៅ​ក្រាម​ពណ៌​ស​ថ្លា​សង្ស័យ​ជា​សារធាតុ​ញៀន ចំនួន ១៨​កញ្ចប់​។ បច្ចុប្បន្ន​ជនសង្ស័យ រួម​និង​វត្ថុតាង ត្រូវបាន​បញ្ជូន ទៅកាន់​ផ្នែក​ជំនាញ​ប្រឆាំង​គ្រឿងញៀន នៃ​អធិការដ្ឋាន​នគរបាល​ខណ្ឌ​ពោធិ៍​សែន​ជ័យ​ដើម្បី​ចាត់ការ​បន្ត ៕


​