បើមូលដ្ឋានណាហ៊ានលួចបើកល្បែងស៊ីសងមានលេងប៊ៀអាប៉ោងនិងប្រជល់មាន់ខុសច្បាប់ទទួលការខុសត្រូវចំពោះច្បាប់
13-September-2017 | ដោយ ពល បញ្ញា
បន្ទាយមានជ័យ ៖ បើមូលដ្ឋានណាហ៊ានលួចបើកល្បែងស៊ីសងមានលេងបៀអាប៉ោងនិងប្រជល់មាន់ខុសច្បាប់ទទួលការខុសត្រូវចំពោះច្បាប់ស្នងការនគរបាលខេត្តលើកឡើងកិច្ចប្រជុំកាលពីថ្ងៃទី១២ ខែកញ្ញា ឆ្នាំ២០១៧ នៅសាលប្រជុំស្នងការដ្ឋាននគរបាលខេត្តបន្ទាយមានជ័យ។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានមានប្រសាសន៍តឿនរំលឹកដល់កម្លាំងនគរបាលខេត្តស្រុក/ក្រុង នៅមូលដ្ឋានត្រូវលុបបំបាត់បទល្មើសគ្រឿងញៀន និងលួចបើកលេងល្បែងស៊ីសងមានបៀអាប៉ោងនិងប្រជល់មាន់និងល្បែងស៊ីសងផ្សេងៗដែលខុសនិងច្បាប់បានដឹងគឺកងកម្លាំងនៅមូលដ្ឋាននោះត្រូវទទួលការខុសត្រូវចំពោះមុខច្បាប់។
លោកបានបញ្ជាក់ថា បញ្ហាល្បែងស៊ីសងដែលកើតមានតាមមូលដ្ឋានគឺមានបទល្មើសមានចោរលួច ចោរប្លន់ និងចោរកម្មផ្សេងៗបណ្តាលកើតមានដែលប៉ះពាល់សន្តិសុខសង្គម និងភូមិ-ឃុំគ្មានសុវត្ថិភាពត្រូវតែលុបបំបាត់អោយអស់ដើម្បីអោយភូមិ-ឃុំមានសុវត្តិភាពជូនប្រជាពលរដ្ឋ។
លោកឧត្តមសេនីយ៍ទោ អាត់ ខែម បានបញ្ជាក់ថា ដោយមានការណែនាំពីសម្តេចក្រឡាហម ស ខេង រដ្ឋមន្ត្រីក្រសួងមហាផ្ទៃនិងលោកនាយឧត្តមសេនីយ៍ នេត សាវឿន អគ្គស្នងការនគបាលជាតិ បានខិតខំយកចិត្តទុកដាក់ដើម្បីពង្រឹងការងារសន្តិសុខនិងសណ្តាប់ធ្នាប់ជូនប្រជាពលរដ្ឋនិងរាជរដ្ឋាភិបាលកម្ពុជាអោយមានសន្តិសុខល្អប្រសើរ ៕
ចំនួនអ្នកទស្សនា
- ថ្ងៃនេះ3501
- ម្សិលមិញ9421
- សប្តាហ៍នេះ59161
- ខែនេះ174311
- ឆ្នាំនេះ174311
- សរុប20616767