រថយន្តកាមរី បើកលឿន រេចង្កូតធ្លាក់ពីលើផ្លូវក្រឡាប់បណ្តាលអោយរងរបួសធ្ងន់២នាក់
13-September-2017 | ដោយ ពល បញ្ញា
ឧត្តរមានជ័យ ៖ កាលពីថ្ងៃទី១២ ខែកញ្ញា ឆ្នាំ២០១៧ នៅវេលាម៉ោង៥និង២០នាទីល្ងាច មានករណីគ្រោះថ្នាក់ចរាចរណ៍មួយ បានបង្កឡើងដោយខ្លួនឯង នៅចំណុចខាងត្បូងសាលាបឋមសិស្សា ហ៊ុនសែន ព្រៃធំ ឃុំចុងកាល់ ស្រុកចុងកាល់ ខេត្តឧត្តរមានជ័យ ចម្ងាយ៣០០ម៉ែត្រ។
អ្នកបើកបររថយន្ត ដោយ ឈ្មោះ យ៉េ សាវឌី ភេទប្រុស អាយុ ២៤ឆ្នាំរស់នៅ ភូមិត្រុំ ឃុំជ្រោយនាងនួង ស្រុកស្រីស្នំ ខេត្តសៀមរាប មុខរបរកសិករ រងរបួសធ្ងន់ បានបើកបររថយន្តម៉ាក កាមរីពណ៌ស ពាក់ស្លាកលេខ សៀមរាប2B-5172 បណ្តាលឲ្យខូចខាតទាំងស្រុង
អ្នករួមដំណើរ ឈ្មោះ យ៉េ សុខុម ភេទប្រុស អាយុ៣៧ឆ្នាំ រស់នៅភូមិ ឃុំ ជាមួយគ្នា រងរបួសធ្ងន់បើកបរពីត្បូងមកជើង ស្រាបតែមកដល់ចំណុចកើតហេតុខាងលើ បានរេចង្កូតធ្លាក់ផ្លូវតែម្តង។
ហើយជនរងគ្រោះទាំង២នាក់ ត្រូវបានសមត្ថកិច្ចចរាចរណ៍ស្រុកចុងកាល់ជួយអន្តរាគមន៍ បញ្ជូនទៅកាន់មន្ទីរពេទ្យបង្អែកស្រុកចុងកាល់ ដើម្បីជួយសង្គ្រោះផងដែរ។
តាមការអោយដឹង ពីសមត្ថកិច្ចថា ជនរងគ្រោះមិនចេះបើករថយន្តផង ហើយបើកបរក្នុងល្បឿនលឿន ទើបបណ្តាលឲ្យកើតមានគ្រោះថ្នាក់ចរាចរណ៍នេះកើតឡើង។
បច្ចុប្បន្ន រថយន្តកាមរី ដែលជួបគ្រោះថ្នាក់ចរាចរណ៍ខាងលើនោះ ត្រូវបានកម្លាំងសមត្ថកិច្ចជំនាញយកមករក្សាទុក នៅអធិការដ្ឋាននគរបាលស្រុកចុងកាល់៕
ចំនួនអ្នកទស្សនា
- ថ្ងៃនេះ3791
- ម្សិលមិញ9421
- សប្តាហ៍នេះ59451
- ខែនេះ174601
- ឆ្នាំនេះ174601
- សរុប20617057