មនុស្សម្នាក់ស្លាប់និងម្នាក់ទៀតរងរបួសធ្ងន់ខណៈកំពុងជិះម៉ូតូត្រូវរថយន្តបុកនៅស្រុកខ្សាច់កណ្ដាល
16-September-2017 | ដោយ ពល បញ្ញា
កណ្ដាល ៖ មនុស្សម្នាក់ស្លាប់ក្នុងថ្លុកឈាមយ៉ាងអណោចអធម៌និងម្នាក់ទៀតរងរបួសធ្ងន់នៅនិងកន្លែងកើតហេតុ ខណៈដែលជនរងគ្រោះទាំង២នាក់ខាងលើនេះ ជិះម៉ូតូឌុបគ្នា ត្រូវបានរថយន្តមួយគ្រឿងបុកពេញមួយទំហឹងកាលពីវេលាម៉ោង១៩និង១០នាទី ថ្ងៃទី១៥ ខែកញ្ញា ឆ្នាំ២០១៧ ស្ថិតក្នុងភូមិព្រែកតាកូវ ឃុំព្រែកតាកូវ ស្រុកខ្សាច់កណ្ដាល ខេត្តកណ្ដាល ។
មន្ត្រីនគរបាលចរាចរណ៍ស្រុកខ្សាច់កណ្ដាលបានឲ្យដឹងថា ជនរងគ្រោះស្លាប់បាត់បង់ជីវិតឈ្មោះគុណ សុគា ភេទប្រុស អាយុ១៣ឆ្នាំ មានទីលំនៅភូមិព្រែកអំពិល ឃុំព្រែកអំពិល ស្រុកខ្សាច់កណ្ដាល ខេត្តកណ្ដាល ជិះម៉ូតូម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខកណ្ដាល1M -3661 រួមដំណើរជាមួយឈ្មោះ លី ម៉េងលីន ភេទប្រុស អាយុ១៦ ឆ្នាំ មានទីលំនៅភូមិព្រែកអំពិល ឃុំព្រែកអំពិល ស្រុកខ្សាច់កណ្ដាលខេត្តកណ្ដាល(រងរបួសធ្ងន់) ។ ចំណែករថយន្តបង្កម៉ាកតូយ៉ូតា Tacoma ពណ៌សំបកឪឡឹក ប្រភេទទេសចរណ៍ ពាក់ស្លាកលេខ កណ្ដាល 2A-1686 បើកបរដោយឈ្មោះ គ្រុយ ថារ៉ា ភេទប្រុស អាយុ៣៤ឆ្នាំមានទីលំនៅភូមិក្នុង ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល(មានសភាពស្រវឹងឃាត់ខ្លួន។
ប្រភពដដែលបន្តថា នៅមុនពេលកើតហេតុសាក្សីបានឃើញរថយន្តបង្កបើកតាមបណ្ដោយផ្លូវ៣៨០ទិសដៅពីត្បូងទៅជើង ក្នុងល្បឿនលឿនដូចហោះ ដោយពុំមានការប្រុងប្រយ័ត្នអ្វីឡើយ លុះមកដល់ចំណុចកើតហេតុ ស្រាប់តែអ្នកបើកបររថយន្តបានជ្រុលចង្កូតទៅបុកម៉ូតូមួយគ្រឿងម៉ាកហុងដាពេញមួយទំហឹង បណ្ដាលឲ្យជនរងគ្រោះជាអ្នកជិះម៉ូតូឈ្មោះ គុណ សុគា ស្លាប់ភ្លាមៗនិងអ្នករួមដំណើរម្នាក់ទៀតរងបួសធ្ង់តែម្ដង ។ ក្រោយពីមានហេតុការណ៍កើតឡើង ជនរងគ្រោះរងរបួសធ្ងន់ត្រូវបានរថយន្តសាមុយដឹកបញ្ជូនទៅសង្គ្រោះនៅមន្ទីពេទ្យរាជធានីភ្នំពេញ រីឯមធ្យោបាយពាក់ព័ន្ធទាំង២គ្រឿង ត្រូវបានសមត្ថកិច្ចធ្វើការវាស់វែងដកហូតយកមករក្សាទុកនៅអធិការដ្ឋាននគរបាលស្រុកដើម្បីចាត់ការតាមនីតិវិធីច្បាប់ ។ ចំពោះសាកសពត្រូវបានប្រគល់ឲ្យក្រុមក្រួសារចាត់ចែងធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ3601
- ម្សិលមិញ9421
- សប្តាហ៍នេះ59261
- ខែនេះ174411
- ឆ្នាំនេះ174411
- សរុប20616867