អ្នកកាសែតម្នាក់ ជំរិតទារលុយអ្នកលក់គ្រែតាមរ៉ឺម៉ក ត្រូវកម្លាំងនគរបាលឃាត់ខ្លួន
25-September-2017 | ដោយ ពល បញ្ញា
សៀមរាប ៖ អ្នកកាសែតម្នាក់ ត្រូវបានកម្លាំងនគរបាលប៉ុស្ដិ៍ខ្វាវ ធ្វើការចាប់វាយខ្នោះភ្លាមៗ ខណៈពេលកាក់ រ៉ឺម៉កដឹកគ្រែ ជំរិតយកលុយ។
អធិការស្រុកជីក្រែង លោកវរសេនីយ៍ទោ សុខ សុទ្ធាវុធ បានប្រាប់ឲ្យថាកាលពីវេលាម៉ោង៥និង៣០នាទីល្ងាច ថ្ងៃទី២៤ ខែកញ្ញា ឆ្នាំ២០១៧នេះ កម្លាំងប៉ុស្តិ៍នគរបាលរដ្ឋបាលខ្វាវ បានចេញល្បាត តាមដងផ្លូវលំ ចុងភូមិស្រោង ឃុំខ្វាវ ឃើញអ្នកសារព័ត៌មានម្នាក់ឈ្មោះ អ៊ុ ហុង ភេទប្រុស អាយុ៥៦ ឆ្នាំ នៅភូមិសក្ដដា ឃុំបឹងមាលា ស្រុកស្វាយលើ កាន់បណ្ណសារព័ត៌មាន យុវជនថ្មីហួសសុពលភាព ឈរ ជំរិតទារប្រាក់ ពីប្រជាពលរដ្ឋជិះរ៉ឺម៉កដឹក គ្រែ ពេលនោះកម្លាំងយើងបានឃាត់ខ្លួនធ្វើការសាកសួរ ហើយបញ្ជូន មកអធិការ នគរបាល ស្រុក។
បើតាមអធិការបន្ថែមថា អ្នកកាសែត រូបនោះនឹងត្រូវកសាង សំណុំរឿងបញ្ជូន ទៅតុលាការ ដើម្បីចាត់ការ តាមផ្លូវច្បាប់។ លោកអធិការថា តាមចម្លើយ ជនសង្ស័យសារភាពថា ទារ៥ដុល្លារ ប៉ុន្តែអ្វីដែលសំខាន់គឺបទល្មើសជាក់ស្តែង។ លោកថានៅឃុំខ្វាវ មានអ្នកកាសែតច្រើនណាស់។
បើតាមសេចក្ដីរាយការណ៍បានឲ្យដឹងថា នៅឃុំខ្វាវ មានសកម្មភាពដឹកជញ្ជូនឈើ យ៉ាងអនាធិបតេយ្យ បំផុតមិនមានការបង្ក្រាប នោះទេ បើទោះបីជាមានស្នាក់ការសមត្ថកិច្ច បណ្ដាក់គ្នាដូចខ្យងយ៉ាងណាក្ដី។ ដូច្នេះការដែល អ្នកកាសែត ទៅចោមរោម នៅឃុំខ្វាវ ភាគច្រើនចាំយកតែព័ត៌មាន ព្រៃឈើតែប៉ុណ្ណោះ៕
ចំនួនអ្នកទស្សនា
- ថ្ងៃនេះ2601
- ម្សិលមិញ7471
- សប្តាហ៍នេះ2601
- ខែនេះ113181
- ឆ្នាំនេះ715361
- សរុប21157817