រថយន្តហ៊ីយ៉ាន់ដាយ បុកអ្នកជិះកង់បណ្តាលឲ្យបុរសម្នាក់ស្លាប់ នៅហ្នឹងកន្លែងកើតហេតុ
27-September-2017 | ដោយ ពល បញ្ញា
តាកែវ ៖ បុរសម្នាក់បានស្លាប់ភ្លាមៗនៅហ្នឹងកន្លែងកើតហេតុ ក្នុងករណីគ្រោះថ្នាក់ចរាចរណ៍រវាងរថយន្តបុកជាមួយកង់ កាលពីយប់ថ្ងៃទី២៦ ខែកញ្ញា ឆ្នាំ២០១៧ នៅលើផ្លូវជាតិលេខ២ ចន្លោះគីឡូម៉ែត្រ១០៩-១១០ ត្រង់ចំណុចភូមិចុងអង្ករ ឃុំពេជសារ ស្រុកកោះអណ្តែត ខេត្តតាកែវ។
លោកវរសេនីយ៍ទោ ជា សុផាត អធិការនគរបាលស្រុកកោះអណ្តែតបានឲ្យដឹងថា មុនពេលកើតហេតុមានរថយន្តមួយគ្រឿងម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3D-4935 មកពីទិសខាងជើងទៅត្បូង លុះដល់ចំណុចកើតហេតុខាងលើទៅបុកអ្នកជិះកង់ក្នុងទិសដៅបញ្ច្រាសទិសគ្នាបណ្តាលបុរសម្នាក់ឈ្មោះ បាន រស់ ភេទប្រុស អាយុ៤៨ឆ្នាំ មានទីលំនៅភូមិ ឃុំកើតហេតុខាងលើ ស្លាប់ភ្លាមៗនៅកន្លែងកើតតែម្តង ចំណែកអ្នកបើកបររត់គេចខ្លួនបាត់ក្រោយកើតហេតុ។
ក្រោយកើតហេតុកម្លាំងជំនាញបានវាស់វែងយកមធ្យោបាយពាក់ព័ន្ធ មករក្សាទុកនៅអធិការដ្ឋាននគរបាលស្រុកដើម្បីកសាងសំណុំរឿងតាមនីតីវិធី។ បច្ចុប្បន្នសពប្រគល់ជូនក្រុមគ្រួសារធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ3591
- ម្សិលមិញ9421
- សប្តាហ៍នេះ59251
- ខែនេះ174401
- ឆ្នាំនេះ174401
- សរុប20616857