រថយន្តដឹកប្រេងរបស់ក្រុមហ៊ុនសូគីមិច ផ្ទុះកង់ក្រោយបង្កជាអគ្គីភ័យ
28-September-2017 | ដោយ ពល បញ្ញា
ព្រះសីហនុ ៖ រថយន្តស៊ីទែនដឹកប្រេងរបស់ក្រុមហ៊ុន សូគីមិច មួយគ្រឿង ផ្ទុះកង់ក្រោយបង្កជាអគ្គីភ័យ នៅថ្ងៃទី២៨ ខែកញ្ញា ឆ្នាំ២០១៧ វេលាម៉ោង៥និង៣០នាទី លើផ្លូវជាតិលេខ៤ ចន្លោះគីឡូម៉ែត្រ២០៣-២០៤ ស្ថិតនៅក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។
លោកឧត្តមសេនីយ៍ត្រី អ៊ី សុខា ស្នងការរងទទួលផែនសណ្តាប់ធ្នាប់ចរាចរណ៍ បានឲ្យដឹងថាមុនពេលកើតហេតុមានរថយន្តមួយគ្រឿងម៉ាក HYUNDAI ពណ៌ទឹកប្រាក់-ក្រហម ពាក់ស្លាកលេខ ភ្នំពេញ3C-6714 ជាកម្មសិទ្ធ របស់ក្រុមហ៊ុន សូគីមិច មានទិសដៅពីខេត្តព្រះសីហនុ ឆ្ពោះទៅ ភ្នំពេញ លុះដល់ចំណុចខាងលើរថយន្តក៏បានផ្ទុះកង់ខាងក្រោយបណ្ដាលឲ្យខ្ទាតផ្កាភ្លើងឆេះរថយន្តតែម្ដង។ គ្រោះថ្នាក់នេះពុំបណ្ដាលឲ្យមានអ្នករងរបួសទេ។ រីឯរថយន្តឆេះខូចខាត សមត្ថកិច្ចជំនាញ និង ភាគីក្រុមហ៊ុន កំពុងស្ទូចយកចេញពីកន្លែងកើតហេតុ ៕
ចំនួនអ្នកទស្សនា
- ថ្ងៃនេះ3511
- ម្សិលមិញ9421
- សប្តាហ៍នេះ59171
- ខែនេះ174321
- ឆ្នាំនេះ174321
- សរុប20616777