កម្លាំងនគរបាលខណ្ឌឫស្សីកែវបង្ក្រាបករណីរក្សាទុកដោយខុសច្បាប់នូវសារធាតុញៀននិងកាន់កាប់អាវុធខុសច្បាប់
28-September-2017 | ដោយ ពល បញ្ញា
ភ្នំពេញ ៖ នៅថ្ងៃទី២៨ ខែកញ្ញា ឆ្នាំ២០១៧ វេលាម៉ោង០១និង៣០នាទីរំលងអធ្រាត្រ ក្រោយពីបើកការស្រាវជ្រាវកម្លាំងជំនាញខណ្ឌសហការជាមួយកម្លាំងប៉ុស្តិ៍ឫស្សីកែវបានចុះធ្វើការបង្ក្រាបជាក់ស្តែងករណីរក្សាទុកដោយខុសច្បាប់នូវសារធាតុញៀននិងកាន់កាប់អាវុធខុសច្បាប់ ត្រង់ចំណុច ផ្លូវបេតុង ក្រុម០៩ ភូមិបឹងសាឡាង សង្កាត់ឬស្សីកែវ។
លោកវរសេនីយ៍ឯក ទៀង ចាន់សា អធិការខណ្ឌបានឲ្យដឹងថាជនសង្ស័យទី១-ឈ្មោះ ឈិន មករា ភេទប្រុស អាយុ២៤ឆ្នាំជនជាតិខ្មែរ មានទីលំនៅស្នាក់នៅ ក្រុមទី០៩ ភូមិបឹងសាឡាង សង្កាត់ឫស្សីកែវ មុខបើកបររថយន្ត និងទី២-ឈ្មោះពេជ សុរាជ្រ ភេទប្រុស អាយុ២៨ឆ្នាំ មានទីលំនៅផ្ទះលេខ ផ្លូវបេតុង ក្រុមទី០៩ ភូមិបឹងសាឡាង សង្កាត់ឫស្សីកែវ មុខរបរនៅផ្ទះ។
សម្ភារៈដកហូតមាន ៖ ក្រាមពណ៌សថ្លាចំនួន ០២កញ្ចប់តូច, ដែកកេះចំនួនមួយ, ដាវកែឆ្នៃចំនួនមួយដើម, និងដំបងឫស្សីពីងពង់ចំនួន មួយកំណាត់។
បច្ចុប្បន្នកម្លាំងជំនាញខណ្ឌឫស្សីកែវ កំពុងបន្តការស្រាវជ្រាវរកបក្ខពួកនិងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី ៕
ចំនួនអ្នកទស្សនា
- ថ្ងៃនេះ3221
- ម្សិលមិញ9421
- សប្តាហ៍នេះ58881
- ខែនេះ174031
- ឆ្នាំនេះ174031
- សរុប20616487