រថយន្តបុករថយន្ត បណ្តាលឲ្យស្លាប់ម្នាក់នឹងរបួសម្នាក់ នៅស្រុកសំរោងទង
28-September-2017 | ដោយ ពល បញ្ញា
កំពង់ស្ពឺ ៖ គ្រោះថ្នាក់ចរាចរណ៍មួយបានកើតឡើងរវាងរថយន្តបែនដឹកដីបុកជាមួយរថយន្តនីសាន់ បណ្តាលឲ្យស្លាប់ម្នាក់និងរបួសស្រាលម្នាក់។ ហេតុការណ៍គ្រោះថ្នាក់នេះកើតឡើងកាលពីថ្ងៃទី២៧ ខែកញ្ញា ឆ្នាំ២០១៧ វេលាម៉ោង១៨និង១៥នាទី លើផ្លូវជាតិលេខ៤ ចន្លោះគីឡូម៉ែត្រលេខ៣៨-៣៩ ត្រង់ចំណុចភូមិអូរក្រាំងអំបិល ឃុំត្រពាំងគង ស្រុកសំរោងទង ខេត្តកំពង់ស្ពឺ។
លោកឧត្តមសេនីយ៍ត្រី តាប់ លន ស្នងការរងខេត្តកំពង់ស្ពឺបានឲ្យដឹងថាមុនពេលកើតហេតុមានរថយន្តមួយគ្រឿងម៉ាក ហ៊ីយ៉ិនដាយ (ប្រភេទបែន) ពណ៌ស គ្មានស្លាកលេខ អ្នកបើកបរឈ្នោះ ស៊ុំ ភត្ដ្រាភេទប្រុស អាយុ២១ឆ្នាំ រស់នៅភូមិអន្លង់បារាំង ឃុំរលាំងកែន ស្រុកកណ្ដាលស្ទឹង ខេត្តកណ្ដាល រួមដំណើរដោយ មនុស្សម្នាក់ ឈ្មោះ មាស ណុប ភេទប្រុស អាយុ២៥ឆ្នាំ រស់នៅភូមិត្រពាំងស្ទង ឃុំស្នំក្រពើ ស្រុកគងពិសី ខេត្តកំពង់ស្ពឺ បើកបរមកពីកើត ទៅលិច លុះមកដល់ចំណុចខាងលើ បានបុករថយន្ដមួយគ្រឿងម៉ាក នីសាន់ (ប្រភេទបែន) ពណ៌ទឹកប៊ិច ពាក់ស្លាកលេខ ពោធិ៍សាត់ 3A-0660 អ្នកបើកបរឈ្មោះ វ៉ាន់ រដ្ឋា ភេទប្រុស អាយុ ២៨ឆ្នាំ រស់នៅភូមិបែកចាន ឃុំបែកចាន ស្រុកអង្គស្នួល ខេត្តកណ្តាល ដែលកំពុងបើកបររបញ្ច្រាស ទិសគ្នា បណ្តាលអោយឈ្មោះ មាស ណុប ស្លាប់នៅនឹងន្លែងកើតហេតុ។
ក្រោយកើតហេតុ សពបានប្រគល់ជូនក្រុមគ្រួសារ ចំណែកអ្នកបើករថយន្តនីសាន់រងរបួសស្រាល បានបញ្ជូនទៅព្យាបាលរបួសនៅពេទ្យសម្ភពថ្នល់ទទឹង រថយន្តខូចខាតកំរិតធ្ងន់ទាំង ២គ្រឿង។ ចំពោះវត្ថុតាងទាំងពីរគ្រឿងរក្សាទុកនៅអធិការដ្ឋាននគរបាលស្រុកសំរោងទង ចំណែកអ្នកបើកបររថយន្ដបង្កត្រូវបានសមត្ថកិច្ចឃាត់ខ្លួននិងកសាងសំណុំរឿងចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ3611
- ម្សិលមិញ9421
- សប្តាហ៍នេះ59271
- ខែនេះ174421
- ឆ្នាំនេះ174421
- សរុប20616877