អនុរដ្ឋលេខាធិការក្រសួងរ៉ែនិងថាមពលសុំឲ្យអាជ្ញាធរនិងមន្ត្រីជំនាញត្រួតពិនិត្យឲ្យបានច្បាស់លាស់មុនឲ្យកសាងស្ថានីយ៍ប្រេង
28-September-2017 | ដោយ ពល បញ្ញា
បន្ទាយមានជ័យ ៖ អនុរដ្ឋលេខាធិការក្រសួងរ៉ែនិងថាមពលសុំឲ្យអាជ្ញាធរ និងមន្ត្រីជំនាញត្រួតពិនិត្យឲ្យបានច្បាស់លាស់មុនឲ្យកសាងស្ថានីយ៍ប្រេងឥន្ធនៈ និងឧស្ម័នឥន្ធនៈដែលលើកឡើងក្នុងពិធីផ្សព្វផ្សាយនៅថ្ងៃទី២៧ ខែកញ្ញា ឆ្នាំ២០១៧ នៅសណ្ឋាគារស្ថិត ក្រុងសិរីសោភ័ណ។
លោក លី សារី អភិបាលរងខេត្តបន្ទាយមានជ័យបានមានប្រសាសន៍ថា នៅខេត្តបន្ទាយមានជ័យមានស្ថានីយ៍ប្រេងឥន្ធនៈនិងស្ថានីយ៍ឧស្ម័នឥន្ធនៈជាច្រើនដែលកសាងធ្វើឡើងភាគច្រើនដែលធ្វើឡើងគឺធ្វើនៅក្បែរចិញ្ចើមផ្លូវ ដែលប្រឈមច្រើនត្រូវកែសម្រួលធ្វើយ៉ាងណាមន្ទីរជំនាញមុនអនុញ្ញាតឲ្យកសាងត្រូវធ្វើការត្រួតពិនិត្យឲ្យបានច្បាស់លាស់ដើម្បីការពារសុវត្ថិភាព។
លោកបានបញ្ជាក់ថា ស្ថានីយ៍ប្រេងឥន្ធនៈនិងឧស្ម័នឥន្ធនៈមុនចេញលិខិតអនុញ្ញាតឲ្យកសាងគឺត្រូវគិតពីផលប៉ះពាល់ និងសុវត្ថិភាពហើយត្រូវរកទីតាំងកន្លែងណាដែលមិនមែន ជាប្រជុំជនការពារហានិភ័យកើតឡើងជាពិសេសនេះស្ថានីយ៍ឧស្ម័នឥន្ធនៈរឺហ្គាសដែលប្រឈមជាគេត្រូវរកទីតាំឲ្យឆ្ងាយពីក្រុង។
លោក លាង ឆាលី អនុរដ្ឋលេខាធិការក្រសួងរ៉ែនិងថាមពលបានមានប្រសាសន៍ថា នៅពេលដែលចូលមកដល់ខេត្តបន្ទាយមានជ័យឃើញមានការអភិវឌ្ឍ និងរីកចម្រើនច្រើនឃើញស្ថានីយ៍ ប្រេងឥន្ធនៈនិងស្ថានីយ៍ឧស្ម័នឥន្ធនៈជាច្រើនដែលកំពុងដំណើរ។ ទន្ទឹមនឹងមានការអភិវឌ្ឍ គឺមន្ត្រីជំនាញនិងអាជ្ញាធរត្រូវសហការគ្នាដើម្បីទប់ស្កាត់ស្ថានីយ៍ប្រេងឥន្ធនៈនិងឧស្ម័នឥន្ធនៈកុំឲ្យកើតមាន។
លោកបានផ្តាំផ្ញើដល់មន្ត្រីជំនាញមុនអនុញ្ញាតឲ្យបងប្អូនប្រជាពលរដ្ឋនិងក្រុមហ៊ុនប្រេងឥន្ធនៈនិងឧស្ម័នឥន្ធនៈកសាងត្រូវពិនិត្យមើលឲ្យត្រឹមត្រូវការហានីភ័យកើតឡើង ហើយនៅស្ថានីយ៍ប្រេងឥន្ធនៈនិងឧស្ម័នឥន្ធនៈត្រូវអនុវត្តការការណែនាំហើយឲ្យម្ចាស់ត្រូវរៀបនៅស្ថានីយ៍ប្រេងឥន្ធនៈនិងឧស្ម័នឥន្ធនៈតាមស្តង់ដារ ៕
ចំនួនអ្នកទស្សនា
- ថ្ងៃនេះ3951
- ម្សិលមិញ9421
- សប្តាហ៍នេះ59611
- ខែនេះ174761
- ឆ្នាំនេះ174761
- សរុប20617217