ជនសង្ស័យ២នាក់ត្រូវបាននគរបាលចាប់ខ្លួនពីបទជួញដូរដោយខុសច្បាប់នូវសារធាតុញៀននៅក្រុងតាខ្មៅ
29-September-2017 | ដោយ ពល បញ្ញា
កណ្ដាល ៖ ជនសង្ស័យ២នាក់ត្រូវបាននគរបាលក្រុងតាខ្មៅធ្វើការចាប់ខ្លួន បញ្ជូនទៅកាន់អធិការដ្ឋាននគរបាលក្រុងដើម្បីកសាងសំណុំរឿងចាត់ការតាមនីតិវិធីច្បាប់ បន្ទាប់ពីជនសង្ស័យខាងលើធ្វើសកម្មភាពជួញដូរដោយខុសច្បាប់នូវសារធាតុញៀនកាលពីវេលាម៉ោង១៨ និង១៥នាទី ថ្ងៃព្រហស្បត៍ទី២៧ ខែកញ្ញា ឆ្នាំ២០១៧ ត្រង់ចំណុចស្ថានីប្រេងឥន្ធនៈ ស្ថិតក្នុងភូមិបត្តាជី សង្កាត់ព្រែកហូរ ក្រុងតាខ្មៅខេត្តកណ្តល ។
មន្ត្រីនគរបាលក្រុងតាខ្មៅបានឲ្យដឹងថា ជនសង្ស័យចាប់ខ្លួនបាន២នាក់ ទី១-ឈ្មោះ ឃុន ចំរើន ភេទប្រុស អាយុ២២ឆ្នាំ មុខរបរមិនពិតប្រាកដ មានទីលំនៅភូមិបត្តាជី សង្កាត់ព្រែកហូរ ក្រុងតាខ្មៅនិងទី២-ឈ្មោះ ចន្ទ័ សក្តដា ភេទប្រុស អាយុ២៥ឆ្នាំ មុខរបរមិនពិតប្រាកដ មានទីលំនៅភូមិតាក្តុលត្បូងសង្តាតាក្តុល ក្រុងតាខ្មៅ ខេត្តកណ្តាល ។
ដោយឡែកវត្ថុតាងដកហូតបានមាន៖ ថ្នាំញៀនប្រភេទមេតំហ្វេតាមីនហៅម៉ាទឹកកកចំនួន៤កញ្ចប់(តូច៣- ធំ១)និងម៉ូតូ២គ្រឿងម៉ាកZoomerX ពាក់ស្លាកលេខភ្នំពេញGK- 9110និង១គ្រឿងទៀតម៉ាក Nix ពាក់ស្លាកលេខភ្នំពេញ 1S -8578 ។
ប្រភពដដែលបានបន្តថា នៅវេលាថ្ងៃទី២៨ ខែកញ្ញា ឆ្នាំ២០១៧ កម្លាំងអន្តរាគមន៍ក្រុងតាខ្មៅបានធ្វើការចុះល្បាតក្នុងភូមិសាស្ដ្រដែលខ្លួនគ្រប់គ្រងនិងងាយរងគ្រោះផងនោះ លុះមកដល់ចំណុចកើតហេតុបានជួបជនសង្ស័យ២នាក់កំពុងជិះម៉ូតូ ដោយមានការសង្ស័យកម្លាំងសមត្ថកិច្ចក៏បានហៅឲ្យឈប់ រួចសុំធ្វើការឆែកឆេរ ស្រាប់តែប្រទះឃើញថ្នាំញៀនចំនួន៤កញ្ចប់នៅនឹងខ្លួនពួកគេ ភ្លាមនោះឈានដល់ធ្វើការឃាត់ខ្លួនជនសង្ស័យទាំង២នាក់រួមទាំងវត្ថុតាងជាក់ស្ដែង បញ្ជូនមកកាន់អធិការនគរបាលក្រុងតាខ្មៅដើម្បីកសាងសំណុំរឿងចាត់ការតាមនីតិវិធីច្បាប់ ។
នៅចំពោះមុខសមត្ថកិច្ច ជនសង្ស័យសារភាពថា ថ្នាំញៀនខាងលើគឺពិតជារបស់ពួកគេប្រាកដមែនដោយឈ្មោះ ចន្ទ័ សក្តដា បានទូរស័ព្ទទៅឈ្មោះ ឃុន ចំរើនដើម្បីទិញថ្នាំញៀន ហើយពួកគេទាំង២នាក់ក៏ណាត់ជួបគ្នានៅចំណុចស្ថានីប្រេងភូមិបត្តាជី សង្កាតព្រែកហូរ ខណៈមកដល់ក៏ត្រូវសមត្ថកិច្ចចាប់ខ្លួនតែម្ដង ៕
ចំនួនអ្នកទស្សនា
- ថ្ងៃនេះ5371
- ម្សិលមិញ9421
- សប្តាហ៍នេះ61031
- ខែនេះ176181
- ឆ្នាំនេះ176181
- សរុប20618637