ជនសង្ស័យប្រើប្រាស់គ្រឿងញៀន ៤នាក់ត្រូវកម្លាំងនគរបាលឃាត់ខ្លួន
29-September-2017 | ដោយ ពល បញ្ញា
ភ្នំពេញ ៖ ជនសង្ស័យ៤នាក់ត្រូវបានកម្លាំងនគរបាលប៉ុស្តិ៍បញ្ជូនមកអធិការដ្ឋាននគរបាលខណ្ឌសែនសុខដើម្បីអនុវត្តតាមនីតិវិធីច្បាប់ បន្ទាប់ពីបង្ក្រាបករណីគ្រឿងញៀន ២ករណីផ្សេងគ្នា។
ករណីទី១ នៅថ្ងៃទី២៨ ខែកញ្ញា ឆ្នាំ២០១៧ វេលាម៉ោង១៩និង៣០នាទី ប៉ុស្តិ៍ឃ្មួញបានធ្វើការឃាត់ខ្លួនជនសង្ស័យចំនួន០២នាក់ ករណីប្រើ ប្រាស់គ្រឿងញៀន នៅចំណុចតាមផ្លូវបេតុង ភូមិអន្លង់ក្ងាន សង្កាត់ឃ្មួញ ខណ្ឌសែនសុខ។ ជនសង្ស័យចំនួន០២នាក់រួមមាន ៖ ទី១-ឈ្មោះ គឹម សីហា ភេទប្រុស អាយុ២០ឆ្នាំ មុខរបរជាងភ្លើង ស្នាក់នៅភូមិកោះថ្មី ឃុំកោះថ្កូវ ស្រុកជល់គីរី ខេត្តកំពង់ឆ្នាំង និងទី២-ឈ្មោះ ហេង ម៉ាឡា ភេទប្រុស អាយុ២ ១ឆ្នាំ មុខរបរកម្មករ ស្នាក់នៅភូមិណូយតាតាំ ឃុំអំពិលពក ស្រុកអូររាំងឪ ខេត្តកំពង់ចាម ។
សម្ភារៈដកហូត ៖ ក្រាមពណ៌សថ្លាសង្ស័យជាគ្រឿងញៀនចំនួន០២កូនថង់តូច, ម៉ូតូចំនួន មួយគ្រឿង ម៉ាកនិក ពណ៌ក្រហម ពាក់ស្លាកលេខភ្នំពេញ1DQ-2921 ។
ករណីទី២ នៅថ្ងៃទី២៩ ខែកញ្ញា ឆ្នាំ២០១៧ វេលា ម៉ោង០១ និង៣០នាទី ប៉ុស្តិ៍ទឹកថ្លាបានធ្វើការឃាត់ខ្លួនជនសង្ស័យចំនួន០២នាក់ ករណីប្រើ ប្រាស់គ្រឿងញៀន នៅចំណុចតាមផ្លូវ២៧១ ភូមិបូរីកម្មករ សង្កាត់ទឹកថ្លា ខណ្ឌសែនសុខ។ ជនសង្ស័យចំនួន០២នាក់រួមមាន ៖ ទី១-ឈ្មោះ អ៊ួង ពុទ្ធារ៉ា ភេទប្រុស អាយុ៣៥ឆ្នាំ មុខរបរគ្មាន ស្នាក់នៅផ្ទះសង់ថ្មី ភូមិទមនប់ទឹក សង្កាត់ទំនប់ទឹក ខណ្ឌចំការមន, ទី២-ឈ្មោះ ពុត សំបូរ ភេទប្រុស អាយុ៣៦ឆ្នាំ មុខរបរគ្មាន ស្នាក់នៅផ្ទះលេខ៣០៨ ផ្លូវ១៨២ សង្កាត់ទឹកល្អក់៣ ខណ្ឌទួលគោក។
សម្ភារៈដកហូត ៖ ម៉ូតូចំនួនមួយគ្រឿង ម៉ាកវីវ៉ា ពណ៌ខ្មៅ គ្មានស្លាក លេខ ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ5191
- ម្សិលមិញ9421
- សប្តាហ៍នេះ60851
- ខែនេះ176001
- ឆ្នាំនេះ176001
- សរុប20618457