នគរបាលចាប់ខ្លួនជនសង្ស័យប្រុស-ស្រី២នាក់និងដកហូតថ្នាំញៀន៧កញ្ចប់
29-September-2017 | ដោយ ពល បញ្ញា
កណ្ដាល ៖ នគរបាលស្រុកណ្ដាលស្ទឹងចាប់ខ្លួនជនសង្ស័យប្រុស-ស្រី២នាក់ដែលជាគូរស្នេហ៍និងដកហូតថ្នាំញៀនចំនួន៧កញ្ចប់កាលពីវេលាម៉ោង១៣និង៤០នាទី ថ្ងៃទី២៨ ខែកញ្ញា ឆ្នាំ២០១៧ ស្ថិតក្នុងភូមិព្រែកអង្គុញ ឃុំសៀមរាប ស្រុកកណ្តាលស្ទឹងខេត្តកណ្តាល ។
មន្ត្រីនគរបាលស្រុកកណ្ដាលស្ទឹងបានឲ្យដឹងថា ជនសង្ស័យចាប់ខ្លួនបានមានឈ្មោះ សុខ ម៉េង ភេទប្រុស អាយុ២១ឆ្នាំ ជនជាតិវៀតណាម មុខរបរជាងផ្សាដែក ស្នាក់នៅផ្ទះជួល សង្កាត់ជ្រោយចង្វារ ខណ្ឌឫស្សីកែវ រាជធានីភ្នំពេញនិងម្នាក់ទៀតឈ្មោះ សែម ស្រីនាង ភេទស្រី អាយុ២៥ឆ្នាំ មុខរបរ កម្មកររោងចក្រ មានទីលំនៅភូមិសាលាស្រីសង្កាត់ទៀន ខណ្ឌដង្កោរ រាជធានីភ្នំពេញ ។
ដោយឡែក វត្ថុតាងដកហូតបានមាន ៖ ថ្នាំញៀនប្រភេទមេតំហ្វេតាមីនហៅម៉ាទឹកកកចំនួន៧កញ្ចប់ , ម៉ូតូមួយគ្រឿងម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខភ្នំពេញ1BL-4597និងទូរស័ព្ទដៃ១គ្រឿង ។
ប្រភពដដែលបន្តថា ជនសង្ស័យប្រុស-ស្រីទាំង២នាក់ខាងលើគឺជាមុខសញ្ញាជួញដូរនិងប្រើប្រាស់ថ្នាំញៀនយ៉ាងសកម្មនៅក្នុងភូមិ សាស្ត្រស្រុកកណ្ដាលស្ទឹង ដែលសមត្ថកិច្ចតាមដាននិងកំណត់មុខសញ្ញាជាយូរមកហើយ តែពុំមានវត្ថុតាងណាមួយដើម្បីដាក់បន្ទុកទៅលើជនសង្ស័យបានឡើយ ។ លុះមកដល់វេលាថ្ងៃកើតហេតុ សមត្ថកិច្ចបានទទួលព័ត៌មានច្បាស់ការថា មុខសញ្ញាជនសង្ស័យទាំង២នាក់ នេះបានជិះម៉ូតូមួយគ្រឿងឌុបគ្នាត្រឡប់មកពីទិញថ្នាំញៀននៅរាជធានីភ្នំពេញ ភ្លាមនោះកម្លាំងសមត្ថកិច្ចបានធ្វើការស្រាវជ្រាវបង្ក្រាប ចាប់ខ្លួនជនសង្ស័យខាងលើ រួចធ្វើការឆែកឆេរបានរកឃើញថ្នាំញៀន៧កញ្ចប់នៅក្នុងហោប៉ៅខោរបស់ជនសង្ស័យរួចចាប់ខ្លួនជនសង្ស័យរួមទាំងវត្ថុតាងខាងលើ យកមកអធិការដ្ឋាននគរបាលស្រុកដើម្បីកសាងសំណុំរឿងចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ5291
- ម្សិលមិញ9421
- សប្តាហ៍នេះ60951
- ខែនេះ176101
- ឆ្នាំនេះ176101
- សរុប20618557