ស្ត្រីម្នាក់ត្រូវកម្លាំងនគរបាលឃាត់ខ្លួន ពាក់ព័ន្ធបើកល្បែងស៊ីសងខុសច្បាប់
30-September-2017 | ដោយ ពល បញ្ញា
ភ្នំពេញ ៖ ស្ត្រីម្នាក់ត្រូវបានកម្លាំងនគរបាលផ្នែកយុត្តិធម៌ ខណ្ឌច្បារអំពៅ ចុះបង្ក្រាបជាក់ស្តែងករណីបើកលេងល្បែងស៊ីសងគ្មានច្បាប់អនុញ្ញាត (ស្ទួចខ្លងប្រេងកូឡា) កាលពីថ្ងៃទី ២៩ ខែកញ្ញា ឆ្នាំ២០១៧ វេលាម៉ោង២១និង១០នាទី នៅចំណុចរោងកម្មករសំណង់ស្នាក់នៅបុរី ប៉េងហួត ផ្លូវជាតិលេខ១ ភូមិបឹងឈូក សង្កាត់ និរោធ ខណ្ឌច្បារអំពៅ។
សមត្ថកិច្ចបានឲ្យដឹងថាជនសង្ស័យឃាត់ខ្លួនឈ្មោះ យឹម ច្រឹប ភេទ ស្រី អាយុ៤៩ឆ្នាំ ជនជាតិខ្មែរ មុខរបរ បើកល្បែងស៊ីសង ស្នាក់នៅផ្ទះលេខ១១៧ ផ្លូវ៨០ ភូមិ២៣ សង្កាត់ស្រះចក ខណ្ឌដូនពេញ។
សមត្ថកិច្ចដកហូតបានវត្ថុតាងរួមមាន ៖ ធុងសម្រាប់ស្ទួចខ្លងប្រេងកូឡា៣, ដងស្ទួចខ្លងប្រេងកូឡា២ដើម, គ្រាប់ខ្លង ប្រេងកូឡា២៤គ្រាប់, ក្រណាត់កៅស៊ូ ក្រាលសម្រាប់ចាក់លេខ ១ផ្ទាំង, លុយ ២៦ម៉ឺនរៀល, ខ្សែដៃប្លាកទីន១ខ្សែ, កងដៃប្លាកទីន៤កង, ចិញ្ជៀនមាស៤វង់, ចិញ្ជៀនប្លាកទីន១វង់មានដាំត្បូងពណ៌ស, ខ្សែជើងកាឡៃ២ខ្សែ និងក្រវិលកាឡៃ១គូ បញ្ជូនមកអធិការដ្ឋាននគរបាលខណ្ឌច្បារអំពៅ ធ្វើការសាកសួរ និងចាត់ការតាមច្បាប់។ ចំណែកអ្នកមកលេងល្បែងបានរត់គេចខ្លួនបាត់អស់ នៅពេល សមត្ថកិច្ចយើងចុះទៅដល់ ៕
ចំនួនអ្នកទស្សនា
- ថ្ងៃនេះ5131
- ម្សិលមិញ9421
- សប្តាហ៍នេះ60791
- ខែនេះ175941
- ឆ្នាំនេះ175941
- សរុប20618397