ស្ត្រីអាណាថាពាក់កងដៃកងជើងរឹបហើមស្អុយរលួយនោះត្រូវបានអភិបាលខេត្តសៀមរាបបញ្ជារឲ្យនាំគាត់ទៅព្យាបាល
02-October-2017 | ដោយ ពល បញ្ញា
សៀមរាប ៖ ស្ត្រីអាណាថា ម្នាក់ទំនងជាជនជាតិភាគតិចហាក់ដូចជាសតិមិនសូវល្អបានពាក់កងដៃនិងចញ្ចៀនបណ្តាលឲ្យហើមស្អុយរលួយ ដៃ និងជើងត្រូវបានគេប្រទះឃើញដើរសុំទាននៅតំបន់ផប់ស្ត្រីតនៃក្រុងសៀមរាប។ ដោយមានរបួសធ្ងន់ធ្ងរអាជ្ញាធរខេត្តបានបញ្ជារឲ្យលោកស្នងការនាំស្ត្រីខាងទៅព្យាបាល។
លោកឧត្តមសេនីយ៍ត្រី អ៊ុំ អមរា ស្នងការរងនគរបាលខេត្តសៀមរាបបានឲ្យដឹងថា លោក ឃឹម ប៊ុនសុង អភិបាលខេត្តសៀមរាបពិតជាយកចិត្តទុកដាក់ចំពោះប្រជាពលរដ្ឋ និង ភ្ញៀវទេសចរណ៍ខ្លាំងមែនព្រោះលោក បានបន្លំខ្លួនធ្វើជាភ្ញៀវ បានដើរចូលក្នងក្រុមភ្ញៀវទេសចរណ៍ ខណៈនោះបានឃើញស្ត្រីអាណាថា ម្នាក់ ហាក់ដូចជាសតិមិនសូវល្អហើយមានរបួស ដៃ និងជើង។ ឃើញសភាពដូច្នេះលោក ក៏បញ្ជារទៅលោក ទិត្យ ណារ៉ុង ស្នងការនគរបាលខេត្ត ហើយលោក ស្នងការ ក៏បានបញ្ជារមក ឧត្តមសេនីយ៍ត្រី អ៊ុំ អមរា ស្នងការរង ឲ្យសហការជាមួយមន្ទីរសង្គមកិច្ច ធ្វើយ៉ាងណាឲ្យយកស្ត្រីនោះទៅព្យាបាលនៅមន្ទីរពេទ្យ ហើយធ្វើយ៉ាងឲ្យទំនាក់ទំនងរកគ្រួសាររបស់គាត់ផង។ លោកឧត្តមសេនីយ៍ត្រីបន្តថារាល់ថ្លៃព្យាបាលរបស់ស្ត្រីខាងលើគឺលោកអភិបាល ខេត្តជាអ្នកបង់ថ្លៃសេវាព្យាបាលរហូតស្ត្រីនោះជាសះស្បើយ។
លោកបញ្ជាក់ថាស្ត្រីខាងលើមានសតិមិនសូវល្អដើរសុំទាននៅម្តុំផប់ស្ត្រីតហើយពាក់កងដៃកងជើងទំនងហាក់ដូចជាជនជាតិភាគតិច(ព្នង)ដោយមិនដឹងសាច់ញាតិអីនៅឯណាទេព្រោះស្ត្រីរូបនេះមិនចេះនិយាយហើយកាន់តែដុំថ្ម។ លោកបញ្ជាក់ទៀតថាសូមបងប្អូនជួយផ្សព្វផ្សាយបន្តផងក្រែងសាច់ញាតិបានដឹងដើម្បីមកទទួលគាត់ទៅផ្ទះសម្បែងវិញ។ បច្ចុប្បន្នក្រុមគ្រូពេទ្យនៃមន្ទីរពេទ្យបង្អែកខេត្តសៀមរាបបានព្យាយាមជួយសង្គ្រោះគាត់ហើយដោយបានកាត់កងដៃកងជើងដែលរឹបហើមស្អុយរលួយនោះចេញ ៕
ចំនួនអ្នកទស្សនា
- ថ្ងៃនេះ4861
- ម្សិលមិញ9421
- សប្តាហ៍នេះ60521
- ខែនេះ175671
- ឆ្នាំនេះ175671
- សរុប20618127