គ្រោះថ្នាក់ចរាចរណ៍រវាងរថយន្តនិងម៉ូតូបណ្តាលឲ្យបុរសម្នាក់ស្លាប់នៅហ្នឹងកន្លែងកើតហេតុ
03-October-2017 | ដោយ ពល បញ្ញា
ស្វាយរៀង ៖ កាលពីថ្ងៃទី២ ខែតុលា ឆ្នាំ២០១៧ វេលាម៉ោង១៨និង៣០នាទី លើផ្លូវជាតិលេខ១ ចន្លោះគីឡូម៉ែត្រលេខ១៥៩-១៦០ ស្ថិតក្នុងភូមិត្រពាំងផ្លុង សង្កាត់បាទី ក្រុងបាវិត ខេត្តស្វាយរៀង មានករណីគ្រោះថ្នាក់ចរាចរណ៍មួយកើតឡើងរវាងរថយន្តនិងម៉ូតូក្នុងទិសដៅបញ្ច្រាស់ទិសគ្នា ។
សមត្ថកិច្ចបានឲ្យដឹងថា មុនពេលកើតហេតុ មានម៉ូតូមួយគ្រឿងម៉ាក ហុងដា ពណ៌ខ្មៅ ស្លាកលេខ ភ្នំពេញ1BQ-8344 បើកបរដោយឈ្មោះ ម៉ន ស៊ីណុល ភេទប្រុស អាយុ៣២ឆ្នាំ ជនជាតិខ្មែរ មុខរបរកម្មករ មានទីលំនៅភូមិព្រៃស្ទឹង ឃុំប្រសូត្រ ស្រុកស្វាយទាប ខេត្តស្វាយរៀង បើកបរពីកើតទៅលិច (មិនពាក់មួក ម៉ូតូគ្មានកញ្ចក់) លុះមកដល់ចំណុចកើតហេតុខាងលើ ក៏ទៅបុកប៉ះនឹងរថយន្ត មួយគ្រឿងម៉ាក HYUNDAI ពណ៌ស ស្លាកលេខភ្នំពេញ 3D-8134 បើកបរពីលិចទៅកើត បណ្ដាលអោយអ្នកបើកបរម៉ូតូស្លាប់នៅកន្លែងកើតហេតុ។
ក្រោយពីកើតហេតុភ្លាមអ្នកបើកបររថយន្តបានរត់គេចខ្លួនបាត់បន្សល់ទុកតែរថយន្ត។ បច្ចុប្បន្ន សពត្រូវបានសមត្ថកិច្ចយើង ប្រគល់ជូនក្រុមគ្រួសារនៃសព យកទៅធ្វើបុណ្យតាមប្រពៃណី។ រីឯវត្ថុតាងទាំង២គ្រឿងរក្សាទុកនៅអធិការដ្ឋាននគរបាលក្រុងបាវិត ដើម្បីបំពេញសំណុំរឿង បញ្ជូនទៅការិយាល័យជំនាញ ចាត់ការបន្តតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ5241
- ម្សិលមិញ9421
- សប្តាហ៍នេះ60901
- ខែនេះ176051
- ឆ្នាំនេះ176051
- សរុប20618507