ខឹងកូនប្រសារយកកាំភ្លើង AK ទៅគំរាមត្រូវនគរបាលប៉ុស្តិ៍ត្រើយស្លាឃាត់ខ្លួន
04-October-2017 | ដោយ ពល បញ្ញា
កណ្តាល ៖ បុរសម្នាក់ត្រូវកម្លាំងនគរបាលប៉ុស្តិ៍ត្រើយសា្លឃាត់ខ្លួនពាក់ព័ន្ធករណីកាន់កាប់អាវុធខុសច្បាប់ កាលពីថ្ងៃទី៣ ខែតុលា ឆ្នាំ២០១៧ វេលាម៉ោង១៩និង១០នាទី នៅចំណុចអូថ្លុកសួង ស្ថិតនៅភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល។
នគរបាលមូលដ្ឋានបានឲ្យដឹងថាជនសង្ស័យឈ្មោះ វង់ ថៃ ភេទប្រុស អាយុ៥៧ឆ្នាំ នៅភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល មុខរបរកសិករ។
វត្ថុតាងចាប់យករួមមាន ៖ កាំភ្លើងចំនួនមួយដើមម៉ាក់ AK៤៧ ស្វាយ បត់ លេខ៥៦-១-១៩០៦៩៦-១៦ បង់ចំនួនមួយមានគ្រាប់ចំនួន៣០គ្រាប់។
នគរបាលមូលដ្ឋានបានបន្តថា មុនពេលឃាត់ខ្លួនជនសង្ស័យខាងលើ មានទំនាស់ពាក្យសម្តីជាមួយកូនប្រសារឈ្មោះឈីវ ឈាន ក៏បានទៅយកកាំភ្លើងដែលលាក់ទុកក្នុងផ្ទះគាត់ដើម្បីយកទៅគំរាមកូនប្រសារ ឈ្មោះ ឈីវ ឈាន កុំអោយមើលងាយគាត់ពេក។ ពេលទទួលបានព័ត៌មានកម្លាំងប៉ុស្តិ៍ត្រើយស្លាបានចុះទៅដល់កន្លែងកើតហេតុធ្វើការឃាត់ខ្លួន ឈ្មោះ វង់ថៃ រួមទាំងវត្ថុតាងបញ្ជូនមកអធិការស្រុកស្អាងដើម្បីអនុវត្តនិតិវិធី ៕
ចំនួនអ្នកទស្សនា
- ថ្ងៃនេះ5921
- ម្សិលមិញ9421
- សប្តាហ៍នេះ61581
- ខែនេះ176731
- ឆ្នាំនេះ176731
- សរុប20619187