នគរបាលខេត្តព្រះសីហនុ រឹតបន្តឹងការអនុវត្តច្បាប់ចរាចរណ៍ផ្លូវគោក ដើម្បីការពារអាយុជីវិតអ្នកដំណើរ
06-October-2017 | ដោយ ពល បញ្ញា
ព្រះសីហនុ ៖ លោកឧត្តមសេនីយ៍ត្រី អ៊ី សុខា ស្នងការរងទទួលបន្ទុកការងារសណ្តាប់ធ្នាប់សាធារណៈ បានឲ្យដឹងថា នៅយប់ថ្ងៃទី៥ ខែតុលា ឆ្នាំ២០១៧ កន្លងទៅនេះ នគរបាលចរាចរណ៍ផ្លូវគោកចំនួន២០នាក់ ដឹកនាំដោយលោកវរសេនីយ៍ទោ កេត សុភ័ក្ត្រ នាយរងការិយាល័យនគរបាលចរាចរណ៍ផ្លូវគោក បានចុះធ្វើការត្រួតពិនិត្យ រឹតបន្តឹងការអនុវត្តច្បាប់ចរាចរណ៍ផ្លូវគោក នៅតាមដងផ្លូវសាធារណៈក្នុងទីក្រុងព្រះសីហនុ តំបន់រង្វង់មូលតោពីរ ដើម្បីរក អ្នកបើកបរមានជាតិស្រវឹង និង មិនពាក់មួកសុវត្ថិភាពពេលយប់។
លោកឧត្តមសេនីយ៍បន្តថា ជាលទ្ធផល រកឃើញ អ្នកបើកម៉ូតូ គ្មានមួកសុវត្ថិភាព ចំនួន៣០នាក់ ពិន័យ១៦នាក់ ណែនាំ១៤នាក់, ត្រួតពិនិត្យជាតិអាល់កុល លើអ្នកបើករថយន្តចំនួន៥នាក់ គ្មានជាតិអាកុល។
លោក អ៊ី សុខា បានបញ្ជាក់ថា ការចុះត្រួតពិនិត្យរឹតបន្តឹងការអនុវត្តច្បាប់ចរាចរណ៍ផ្លូវគោកនេះ គឺធ្វើឡើងជាប្រចាំ ដើម្បីបង្ការទប់ស្កាត់ កាត់បន្ថយគ្រោះថ្នាក់ចរាចរណ៍ ដើម្បីការពារអាយុជីវិត របស់ប្រជាពលរដ្ឋ ៕
ចំនួនអ្នកទស្សនា
- ថ្ងៃនេះ4871
- ម្សិលមិញ9421
- សប្តាហ៍នេះ60531
- ខែនេះ175681
- ឆ្នាំនេះ175681
- សរុប20618137