ដេញគោចូលព្រៃ គោជាន់មីនតោនផ្ទុះបណ្តាលខ្ទិចសាច់ក្បែរព្រំដែនស្រុកស្វាយចេក
06-October-2017 | ដោយ ពល បញ្ញា
បន្ទាយមានជ័យ ៖ សត្វគោមួយក្បាលដែលម្ចាស់ដេញឲ្យចូលទៅស៊ីស្មៅក្នុងព្រៃ បានដើរជាន់មីនតោនផ្ទុះបណ្តាលឲ្យខ្ទិចរកសាច់ជាចំណែកៗ។ ហេតុការណ៍ខាងកើតឡើងកាលពីវេលាម៉ោង២និង៣០នាទី ថ្ងៃទី៤ ខែតុលា ឆ្នាំ២០១៧ ស្ថិតភូមិសាស្គ្រភូមិបឹងស្នោ ឃុំស្លក្រាម ស្រុកស្វាយចេក ខេត្តបន្ទាយមានជ័យ ក្បែរព្រំដែន។
ម្ចាស់គោឈ្មោះ ឆាយ ប៉ឹត ភេទប្រុស អាយុ២៧ឆ្នាំ រស់នភូមិថ្នល់បត់ឃុំអូរបីជាន់ ស្រុកអូរជ្រៅ បានឲ្យដឹងថា គាត់បានដេញគោទៅឃ្វាលជាប្រចាំនៅចំណុចព្រៃក្បែរព្រំដែនចំណុចស្រះឫស្សីនៅខាងកើតភូមិព្រៃចាន់ ឃុំស្លរក្រាម ស្រុកស្វាយចេក ប្រមាណជិត១គីឡូម៉ែត្រហើយពេលដែលហ្វូងគោដើរស៊ីស្មៅក្នុងព្រៃស្នូរផ្ទុះលាន់សូរខ្លាំងបណ្តាលភ្ញាក់ផ្អើលទៅមើលឃើញគោមួយក្បាលខ្ទិចសាច់ក្បែររណ្តៅផ្ទុះប្រមាណជិត៥ម៉ែត្របួនជ្រុង។
ក្រោយពេលផ្ទុះឃើញមានសមត្ថកិច្ចនិងអាជ្ញាធរចុះទៅពិនិត្យឃើញថាគោដែលផ្ទុះមីនងាប់ខ្ទិចសាច់នេះគឺជានមីនតោនដែលគោជាន់នៅរដូវភ្លៀងផុងបណ្តាលផ្ទុះងាប់គោមួយក្បាលខ្ទិចសាច់។
សមត្ថកិច្ចបានបញ្ជាក់ថា ចំណុចដែលគោជាន់មីនតោនផ្ទុះនេះគឺជាព្រៃមិនទាន់ដោះមីននៅក្បែរព្រំដែនដែលជាមីនសេសសល់ពីសម័យសង្គ្រាមដែលមិនទាន់បានដោះមីននៅឡើយ។ ហើយសុំបងប្អូនប្រជាពលរដ្ឋបញ្ឈប់យកគោទៅឃ្វាលចំណុចព្រៃដែលមិនទាន់ដោះមីនអាចគ្រោះបានគ្រប់ពេល ៕
ចំនួនអ្នកទស្សនា
- ថ្ងៃនេះ5121
- ម្សិលមិញ9421
- សប្តាហ៍នេះ60781
- ខែនេះ175931
- ឆ្នាំនេះ175931
- សរុប20618387