មុខសញ្ញាឆក់និងជួញដូរគ្រឿងញៀន ប្រាំនាក់ត្រូវកម្លាំងនគរបាលខេត្តព្រះសីហនុ បង្ក្រាប
06-October-2017 | ដោយ ពល បញ្ញា
ព្រះសីហនុ ៖ កម្លាំងការិយាល័យកណ្តាលនគរបាលព្រហ្មទណ្ឌ សហការណ៍ជាមួយកម្លាំងប៉ុស្តិ៍នគរបាលរដ្ឋបាលសង្កាត់លេខ៤ នៃអធិការក្រុងព្រះសីហនុ បានឃាត់ខ្លួនជនសង្ស័យ ៥នាក់ ដែលតែងតែធ្វើសកម្មភាព ឆក់ សម្ភារៈតាមទីសាធារណៈ និងជួញដូរគ្រឿងញៀន កាលពីថ្ងៃទី៥ ខែតុលា ឆ្នាំ២០១៧ វេលាម៉ោង២១និង១០នាទី នៅចំណុចក្រុម១៤ ភូមិ៤ សង្កាត់៤ ក្រុង-ខេត្តព្រះសីហនុ។
លោកឧត្តមសេនីយ៍ទោ ជួន ណារិន្ទ ស្នងការខេត្តព្រះសីហនុបានឲ្យដឹងថាជនសង្ស័យទាំងប្រាំនាក់នោះរួមមានទី១-ឈ្មោះ ឡុង ស៊ីពេជ្រ ភេទប្រុស ជនជាតិវៀតណាម អាយុ ១៧ឆ្នាំ មុខរបរ មិនពិតប្រាកដ មានទីលំនៅ ភូមិ១ សង្កាត់៤ ក្រុង-ខេត្តព្រះសីហនុ (មុខសញ្ញាឆក់សកម្ម និងកាន់កាប់រក្សាទុកសាធាតុញៀន) ទី២-ឈ្មោះ គឹង ដែន ហៅ ពៅ ភេទប្រុស អាយុ ១៧ឆ្នាំ មុខរបរ មិនពិតប្រាកដ មានទីលំនៅ ភូមិ៤ សង្កាត់៤ ក្រុង-ខេត្តព្រះសីហនុ (មុខសញ្ញាឆក់សកម្ម) ទី៣-ឈ្មោះ មុំ ញ៉ាញ់ ភេទប្រុស អាយុ ១៧ឆ្នាំ មុខរបរ មិនពិតប្រាកដ មានទីលំនៅ ភូមិ៤ សង្កាត់៤ ក្រុង-ខេត្តព្រះសីហនុ (មុខសញ្ញាឆក់សកម្ម) ទី៤-ឈ្មោះ វ៉ាន់ មាន ភេទប្រុស អាយុ ១៧ឆ្នាំ មុខរបរ បុគ្គលិកខ្សែកាប មានទីលំនៅក្រុម២៧ ភូមិ១ សង្កាត់២ ក្រុង-ខេត្តព្រះសីហនុ (មុខសញ្ញាកាន់កាប់រក្សាទុកសាធាតុញៀន) និងទី៥-ឈ្មោះ សុង យ៉ាំង ភេទប្រុស អាយុ ១៧ឆ្នាំ មុខរបរ រត់ម៉ូតូឌុប មានទីលំនៅ សង្កាត់៤ ក្រុង-ខេត្តព្រះសីហនុ (មុខសញ្ញាកាន់កាប់រក្សាទុកសាធាតុញៀន)។
លោកស្នងការខេត្តបានបន្តថាកាលពីថ្ងៃទី០៣ ខែតុលា ឆ្នាំ២០១៧ វេលាម៉ោង២០និង១៥នាទី ជនសង្ស័យឈ្មោះ ឡុង ស៊ីពេជ្រ និងបក្ខពួក បានធ្វើសកម្មភាព ឆក់ជនរងគ្រោះឈ្មោះ CHEN BAO ZHEN ភេទស្រី អាយុ ៤៧ឆ្នាំជនជាតិចិន មុខរបរ ទេសចរណ៍ មានទីលំនៅ ក្រុម១៥ ភូមិ៤ សង្កាត់៤ ក្រុង-ខេត្តព្រះសីហនុ។ ក្នុងខណៈពេលដែលជនរងគ្រោះកំពុងដើរទៅសណ្ឋាគារ ហ្គ្រេនស៊ីហ្គោល ស្ថិតនៅចំណុច ក្រុម១៥ ភូមិ៤ សង្កាត់៤ ក្រុង-ខេត្តព្រះសីហនុ ។
សម្ភារៈបាត់បង់ ៖ លុយចិន ២,០០០យ័ន្ត, ប្រាក់ដុល្លារ ២០០ដុល្លារ អត្តសញ្ញាណចិន ០៣ច្បាប់, កាតបើកប្រាក់ ០៦ច្បាប់, កាតធ្វើការចំនួន ០២ច្បាប់។
វត្ថុតាងចាប់យកបាន៖ ម៉ូតូ មួយគ្រឿង ម៉ាក និច ពណ៌ ស បិទ ខៀវ គ្មានស្លាកលេខ លេខតួ និងលេខម៉ាស៊ីនៈ ២០៣៩១៧ (មធ្យោបាយ), ម៉ូតូមួយគ្រឿង ម៉ាក MSX ពណ៌ ស បិទ ស្វាយ គ្មានស្លាកលេខ លេខតួ និងលេខម៉ាស៊ីនៈ ០០៩១៩១៧ (មធ្យោបាយ)
គ្រឿងញៀន (ម៉ាទឹកកក) ចំនួន ១៣កញ្ចប់តូចៗ ។
បច្ចុប្បន្នជនសង្ស័យខាងលើនេះ ការរិយាល័យនគរបាលព្រហ្មទណ្ឌកម្រិតស្រាល កំពុងក៏សាងសំណុំរឿងតាមនីតិវិធី ដើម្បីបញ្ជូនទៅសាលាដំបូងខេត្តព្រះសីហនុ ៕
ចំនួនអ្នកទស្សនា
- ថ្ងៃនេះ5051
- ម្សិលមិញ9421
- សប្តាហ៍នេះ60711
- ខែនេះ175861
- ឆ្នាំនេះ175861
- សរុប20618317