ជនសង្ស័យជួញដូរគ្រឿងញៀន ៣នាក់ត្រូវបានកម្លាំងនគរបាលឃាត់ខ្លួន
06-October-2017 | ដោយ ពល បញ្ញា
កំពង់ស្ពឺ ៖ ជនសង្ស័យជួញដូរដោយខុសច្បាប់នូវសារធាតុញៀនគ្រឿងញៀន ចំនួនបីនាក់ត្រូវបានកម្លាំងនគរបាលស្រុកសំរោងទងសហការជាមួយកម្លាំងនគរបាលក្រុងច្បារមន ឃាត់ខ្លួននៅថ្ងៃទី៦ ខែតុលា ឆ្នាំ២០១៧ វេលាម៉ោង១២និង២០នាទី។
លោកវរសេនីយ៍ទោ ឃុត សុផល អធិការស្រុកសំរោងទងបានឲ្យដឹងថាជនសង្ស័យទី១-ឈ្មោះ ជុំ នី ប្រុស១៧ឆ្នាំ នៅភូមិរលាំងសង្កែ សង្កាត់សុពរ័ទេព ក្រុងច្បារមន ឃាត់ខ្លួននៅចំណុចតាមផ្លូវជាតិលេខ៤ ចន្លោះគីឡូម៉ែត្រលេខ៤២-៤៣ ទី២-ឈ្មោះ ណែម ពុធ ប្រុសអាយុ២៣ឆ្នាំ ភូមិរលាំងសង្កែ និងទី៣-ឈ្មោះ សោម ភោក ប្រុស អាយុ២៣ឆ្នាំ ភូមិស្នោទី១ សង្កាត់រកាធំ ជនសង្ស័យទាំងពីរនាក់ ស្នាក់នៅបន្ទប់ជួលភូមិរលាំងសង្កែ សង្កាត់សុពរ័ទេព ក្រុងច្បារមន។
សម្ភារៈដកហូតរួមមានៈ ថ្នាំញៀន ១៣កញ្ចប់, មធ្យម១កញ្ចប់, ម៉ូតូមួយគ្រឿង ទូរស័ព្ទដៃ៤គ្រឿង ជញ្ជីងថ្លឹងថ្នាំញៀន មួយនិងសម្ភារៈប្រើប្រាស់គ្រឿងញៀនមួយចំនួនទៀត ។ បច្ចុប្បន្នកម្លាំងជំនាញកំពុងកសាងឯកសារដើម្បីបញ្ជូនទៅសាលាដំបូងខេត្ត ចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ5171
- ម្សិលមិញ9421
- សប្តាហ៍នេះ60831
- ខែនេះ175981
- ឆ្នាំនេះ175981
- សរុប20618437