ជនសង្ស័យ ៥នាក់ត្រូវសមត្ថកិច្ចឃាត់ខ្លួនពាក់ព័ន្ធ ការប្រើប្រាស់គ្រឿងញៀន
09-October-2017 | ដោយ ពល បញ្ញា
ភ្នំពេញ ៖ កម្លាំងនគរបាលខណ្ឌជ្រោយចង្វារ ឃាត់ខ្លួនជនសង្ស័យប្រើប្រាស់គ្រឿងញៀន ៥នាក់ ចំនួន ២ករណីផ្សេងគ្នា។សមត្ថកិច្ចបានឲ្យដឹងថា ករណីទី១៖ ជនសង្ស័យ៣នាក់ប្រើប្រាស់គ្រឿងញៀនត្រូវសមត្ថកិច្ចឃាត់ខ្លួន កាលពីថ្ងៃទី៨ ខែតុលា ឆ្នាំ២០១៧ វេលាម៉ោង២២៖៤០នាទី នៅចំណុចភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ វត្ថុតាងចាប់យករួមមាន៖ ក្រាមពណ៌សថ្លាចំនួនមួយកញ្ចប់តូច សង្ស័យជាគ្រឿងញៀន និងម៉ូតូចំនួនមួយគ្រឿង។
ករណីទី២៖ ជនសង្ស័យប្រើប្រាស់គ្រឿងញៀន ២នាក់ត្រូវបានកម្លាំងនគរបាលឃាត់ខ្លួននៅថ្ងៃទី៩ ខែតុលា ឆ្នាំ២០១៧ វេលាម៉ោង០០និង៣០នាទី នៅចំណុចភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ វត្ថុតាងចាប់យករួមមាន៖ ក្រាមពណ៌សថ្លាចំនួនមួយកញ្ចប់តូច សង្ស័យជាគ្រឿងញៀន និងម៉ូតូចំនួនមួយគ្រឿង។ បច្ចុប្បន្នជនសង្ស័យរួមនឹងវត្ថុតាងសមត្ថកិច្ចឃាត់ខ្លួនបណ្តោះអាសន្ន នៅអធិការដ្ឋានខណ្ឌដើម្បីបញ្ជូនទៅតុលាការ ៕
ចំនួនអ្នកទស្សនា
- ថ្ងៃនេះ5781
- ម្សិលមិញ9421
- សប្តាហ៍នេះ61441
- ខែនេះ176591
- ឆ្នាំនេះ176591
- សរុប20619047