ចោរលួចម៉ូតូម្នាក់ ត្រូវកម្លាំងនគរបាលឃាត់ខ្លួន
09-October-2017 | ដោយ ពល បញ្ញា
ភ្នំពេញ ៖ បុរសម្នាក់ត្រូវកម្លាំងនគរបាលឃាត់ខ្លួនពាក់ព័ន្ធករណីលួចម៉ូតូ នៅថ្ងៃទី១០ ខែតុលា ឆ្នាំ២០១៧ វេលាម៉ោង៣និង១៥នាទី ទៀបភ្លឺ នៅលើផែស៊ូទ្រី ក្រុមទី២៧ ភូមិ៣ ទំនប់រលក សង្កាត់លេខ១ ក្រុង-ខេត្តព្រះសីហនុ។លោកឧត្តមសេនីយ៍ទោ ជួន ណារិន្ទ ស្នងការខេត្តព្រះសីហនុបានឲ្យដឹងថាជនរងគ្រោះឈ្មោះ លាត សុភា ភេទប្រុស អាយុ៣៥ឆ្នាំ មុខរបរ កម្មករទូកនេសាទ បានទុកម៉ូតូនៅផែកើតហេតុខាងលើ ហើយត្រូវជនមិនស្គាល់អត្តសញ្ញាណលួចយក ។ សម្ភារៈបាត់បង់ ម៉ូតូម៉ាកHONDA C125 សេរីឆ្នាំ២០១៦ ពណ៌ខ្មៅ លេខតួ+ម៉ាស៊ីន9609146 ពាក់ស្លាកលេខ ព្រះសីហនុ1F-1418 ។
ក្រោយពេលកើតហេតុជនរងគ្រោះបានដាក់ពាក្យបណ្តឹង កម្លាំងជំនាញអធិការដ្ឋាននគរបាលក្រុងព្រះសីហនុ សហការជាមួយកម្លាំងនគរបាលប៉ុស្តិ៍សង្កាត់លេខ១ ធ្វើការស្រាវជ្រាវឃាត់ខ្លួនជនសង្ស័យដៃដល់ម្នាក់ឈ្មោះ គឹម ហេង ភេទប្រុស អាយុ២៩ឆ្នាំ មុខរបរកម្មករនេសាទ។ បច្ចុប្បន្នស្នាក់នៅកន្លែងកើតហេតុខាងលើ បានឆ្លើយសារភាពថា ខ្លួនប្រើប្រាស់ដែកទួណាវីសគាស់ក្បាំងកមុខម៉ូតូរួចហើយបានផ្តាច់ខ្សែសោរម៉ូតូ និងកាច់បំបាក់ស្លាកលេខជាពី ហើយជិះគេចខ្លួនយកម៉ូតូទៅលាក់ទុកនៅមុខរោងចក្រសាន់វ៉ា(សង្កាត់លេខ១ ) ។ លុះព្រឹកឡើងថ្ងៃខែឆ្នាំដដែល វេលាម៉ោង៧៖៣០នាទី ត្រូវសមត្ថកិច្ចធ្វើការឃាត់ខ្លួន រួមនឹងម៉ូតូខ្ញុំលួចបាន ។ វត្ថុតាងចាប់យកបាន៖ ម៉ូតូម៉ាកខាងលើ (ផលចោរកម្ម) ។
បច្ចុប្បន្នជនសង្ស័យ និងវត្ថុតាងខាងលើ បានធ្វើការឃាត់ខ្លួនកសាងសំណុំរឿងបញ្ចូនទៅការិយាល័យជំនាញចាត់ការបន្ត ៕
ចំនួនអ្នកទស្សនា
- ថ្ងៃនេះ5691
- ម្សិលមិញ9421
- សប្តាហ៍នេះ61351
- ខែនេះ176501
- ឆ្នាំនេះ176501
- សរុប20618957