កម្មការិនី១៨នាក់ដួលសន្លប់ខណៈភ័យព្រោះឆ្លងចរន្ដភ្លើងក្នុងរោងចក្រ
14-October-2017 | ដោយ ពល បញ្ញា
កណ្ដាល ៖ កម្មការិនីចំនួន១៨នាក់ដួលសន្លប់ជាបន្ដបន្ទាប់ ខណៈកំពុងធ្វើការនៅក្នុងរោងចក្រ ត្រូវឆ្លងចរន្ដភ្លើង បង្កឲ្យមានការភ្ញាក់ផ្អើលឆោរឡោរឡើង កាលពីវេលាម៉ោង១៣និង១០នាទី ថ្ងៃទី១៣ ខែតុលា ឆ្នាំ២០១៧ ត្រង់ចំណុចក្នុងរោងចក្រកាត់ដេរឈ្មោះ ធី វ៉ាយ ហ្វេសសិន (ហៅព្រៃឡ) ស្ថិតក្នុងភូមិផ្សារដែកលើ ឃុំផ្សារដែក ស្រុកពញាឮ ។
មន្ដ្រីនគរបាលស្រុកពញាឮបានឲ្យដឹងថា កម្មការិនីដែលភ័យដួលបណ្ដាលឲ្យសន្លប់មានចំនួន១៨នាក់ ទី១-ឈ្មោះ ដាំ ចាន់ថន អាយុ៣៨ឆ្នាំ (ឆក់ដោយផ្ទាល់) ២ -ឈ្មោះ ស៊ុំ ស្រីនួន ។ ជនរងគ្រោះទី១និងទី២មានទីលំនៅភូមិផ្សារដែកលើ ឃុំផ្សារដែក ស្រុកពញាឮ ។ ទី៣ -ឈ្មោះ លឹម សុគន្ធា អាយុ៣០ឆ្នាំ ស្នាក់នៅផ្ទះជួលភូមិម្លូម៉ឺន ឃុំផ្សារដែក ស្រុកពញាឮ ទី៤ -ឈ្មោះ វ៉េង ស្រីហ៊ួយ អាយុ២០ឆ្នាំ មានទីលំនៅភូមិទួលអង្គុញ ឃុំផ្សារដែក ស្រុកពញាឮ ទី៥ -ឈ្មោះ ជឹម សុម៉ាលី អាយុ១៨ឆ្នាំ មានទីលំនៅភូមិចុងកោះ ឃុំកោះចិន ស្រុកពញាឮ ទី៦-ឈ្មោះ រដ្ឋា អាយុ២៨ឆ្នាំ នៅភូមិតាគោ ឃុំជ្រៃលាស់ ស្រុកពញាឮ ទី៧ -ឈ្មោះ ថៃ រដ្ឋ អាយុ៣២ឆ្នាំ មានទីលំនៅភូមិត្រពាំឬស្សី ឃុំទំនប់ធំស្រុកពញាឮ ទី៨-ឈ្មោះ យន ណាង ភេទស្រី អាយុ៣៥ឆ្នាំ នៅភូមិស្រះស្តេច ឃុំត្រាច់ទង ស្រុកឧដុង្គ ខេត្តកំពង់ស្ពឺ ទី៩-ឈ្មោះ ឆុន សុខា អាយុ២៥ឆ្នាំ ទី១០-ឈ្មោះ យិន ស្រីយ៉ា អាយុ២៨ឆ្នាំ ទី១១-ឈ្មោះ ឆុន ខុន អាយុ២៩ឆ្នាំ ។ ជនរងគ្រោះទី៩ ទី១០និង១១មានទីលំនៅភូមិប្រវឹកពង ឃុំព្រះស្រែស្រុកឧដុង្គ ខេត្តកំពង់ស្ពឺ ទី១២ -ឈ្មោះ ឃឹម រតនា អាយុ២៤ឆ្នាំ នៅភូមិត្រពាំងឈូក ឃុំព្រះស្រែស្រុកឧដុង្គ ខេត្តកំពង់ស្ពឺ ទី១៣ -ឈ្មោះ អន ស្រីណុច អាយុ២៦ឆ្នាំ នៅភូមិក្បាលអូរ ឃុំព្រះស្រែស្រុកឧដុង្គ ខេត្តកំពង់ស្ពឺ ទី១៤ -ឈ្មោះ ស៊ុង ធារិទ្ធ អាយុ២៩ឆ្នាំ នៅភូមិព្រៃទទឹង ឃុំវាលពង់ ស្រុកឧដុង្គ ខេត្តកំពង់ស្ពឺ ទី១៥ -ឈ្មោះរឿន សូនី អាយុ២៦ឆ្នាំ នៅភូមិវត្តក្តី ឃុំវាលពង់ ស្រុកឧដុង្គ ស្រុកឧដុង្គ ខេត្តកំពង់ស្ពឺ ទី១៦ -ឈ្មោះ ពៅ ស្រីនាថ អាយុ២៨ឆ្នាំ នៅភូមិម្លូម៉ឺន ឃុំផ្សារដែក ស្រុកពញាឮ ទី១៧ -ឈ្មោះ វ៉េត ស្រីលក្ខ័ អាយុ២០ឆ្នាំ នៅភូមិព្រៃទទឹង ឃុំវាលពង់ ស្រុកឧដុង្គ និងទី១៨ -ឈ្មោះ ភួង ម៉ាល័យ អាយុ២១ឆ្នាំ នៅភូមិផ្សាររដែកក្រោម ឃុំផ្សាររដែក ស្រុកពញាឮ ។
ប្រភពដដែលបន្ដថា នៅមុនពេលកើតហេតុកម្មការនីរោងចក្រទាំងអស់បាននាំគ្នាកំពុងដេរសំលៀកបំពាក់ដូចធម្មតា ។ លុះមកដល់វេលាម៉ោងកើតហេតុមានកម្មការនីម្នាក់ឈ្មោះ ដាំ ចាន់ថន បានទៅដូរសោរគៀម៉ាស៊ីដេររបស់ខ្លួន ដោយកំពុងតែគៀរស្រាប់តែឆ្លងចរន្ដអគ្គិសនីពីម៉ាស៊ីនដេរ បណ្តាលឲ្យឆក់នារីរងគ្រោះ ឃើញដូចនោះក៏មាននារីរងគ្រោះម្នាក់ទៀតបាន ចូលទៅទាញដើម្បីជួយ បន្ទាប់មកកម្មការិនីក្នុងរោងចក្រទាំងអស់ក៏ភ័យស្លន់ស្លោរផ្អើលឆោឡោរត់ចេញ បណ្តាលអោយមានការដួលសន្លប់និងកន្លែងនិងខ្លះដួលសន្លប់តាមផ្លូវ ឯចំនែក ខ្លះមកសន្លប់នៅផ្ទះ និងមន្ទីរពេទ្យ ។ ករណីឆ្លងចរន្ដដួលបណ្ដាលឲ្យសន្លប់ខាងលើនេះគឺពុំបណ្ដាលឲ្យកម្មការិនីណាម្នាក់ស្លាប់បាត់បង់ជីវិតឡើយ ។
ក្រោយពីមានហេតុការណ៍កើតឡើង សមត្ថកិច្ចក៏បានធ្វើការអន្ដរាគមន៍ជួយសង្គ្រោះនិងយករថយន្ដសាមុយ ដឹកបញ្ជូនទៅកាន់មន្ទីរពេទ្យបង្អែកស្រុកឧដុង្គដើម្បីជួយសង្គ្រោះបន្ទាន់ ។ តាមការឲ្យដឹងរបស់ម្តាយជនរងគ្រោះឈ្មោះ ដាំ ចាន់ថន បាននិយាយនៅក្នុងមន្ទីរពេទ្យថា កន្លងមកកូនរបស់គាត់ជួនកាលនៅសុខៗមានអក្ការៈប្រកាច់ក៏មានដែរ ៕
ចំនួនអ្នកទស្សនា
- ថ្ងៃនេះ6041
- ម្សិលមិញ9421
- សប្តាហ៍នេះ61701
- ខែនេះ176851
- ឆ្នាំនេះ176851
- សរុប20619307