ស្ត្រីវ័យ៦១ឆ្នាំម្នាក់ បានលង់ទឹកស្រះស្លាប់ខណៈពេលកំពុងស្ទូចត្រី
16-October-2017 | ដោយ ពល បញ្ញា
ពោធិ៍សាត់ ៖ ស្ត្រីអាយុ៦១ឆ្នាំម្នាក់ បានលង់ទឹកស្លាប់ខណៈកំពុងស្ទូចត្រី នៅចំណុចចែងមែង ស្ថិតក្នុងភូមិគល់ទទឹង ឃុំសន្ទ្រែ ស្រុកភ្នំក្រវ៉ាញ ខេត្តពោធិ៍សាត់ កាលពីវេលាម៉ោង០២និង៥០នាទីរសៀលថ្ងៃទី១៥ ខែតុលា ឆ្នាំ២០១៧ ។ប្រភពព័ត៌មានបានឲ្យដឹងថា មុនពេលកើតហេតុជនរងគ្រោះឈ្មោះ សឿន យ៉េន ភេទស្រី អាយុ៦១ឆ្នាំ រស់នៅភូមិគល់ទទឹង ឃុំសន្ទ្រែ ស្រុកភ្នំក្រវ៉ាញ ខេត្តពោធិ៍សាត់ បានចេញពីផ្ទះលីដងសន្ទូចទៅស្ទូចត្រី នៅចំណុចស្រះទឹកមួយ ខណៈជនរងគ្រោះកំពុងអង្គុយស្ទូចត្រី ក៏ធ្លាក់ទឹកស្រះ លង់ស្លាប់តែងម្តង។
ប្រភពដដែលបានបន្តថា មុនពេលជនរងគ្រោះចាកចេញពីផ្ទះចៅរបស់គាត់បានសុំទៅស្ទូចត្រី ជាមួយប៉ុន្តែជនរងគ្រោះ សឿន យ៉េន បានប្រកែកមិនឲ្យចៅរបស់ទៅជាមួយទេ ព្រោះខ្លាចចៅមានជំងឺ ជនរងគ្រោះសុខចិត្តទៅតែម្នាក់ឯង ព្រោះថាបើឈឺឲ្យឈឺតែគាត់ចុះ តែអកុសល្យលោកយាយបានលង់ទឹកស្លាប់ នៅក្នុងស្រះ គួរឲ្យអាសូរ ដែលលោកយាយមានសណ្តានចិត្តល្អចំពោះចៅ ។
សមត្ថកិច្ចបានឲ្យដឹងថា ជនរងគ្រោះ សឿន យ៉េន ទំនងជាវិលមុខទៅជាខ្យល់គ គ្មានអ្នកណាដឹង រហូតប្រជាពលរដ្ឋប្រទះឃើញ សាកសពអណ្តែតទឹក ទើបដឹងថាជនរងគ្រោះ លង់ទឹកស្លាប់ ។ ក្រោយពេលកើតហេតុសមត្ថកិច្ចបានចុះដល់កន្លែងកើតហេតុ ពិនិត្យសន្និដ្ឋានថា ជនរងគ្រោះ ពិតជាខ្យល់គរ ទើបបណ្តាលឲ្យធ្លាក់ទឹកលង់ស្លាប់បែបនេះ សាកសពត្រូវបានប្រគល់ជូនក្រុមគ្រួសារធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ6151
- ម្សិលមិញ9421
- សប្តាហ៍នេះ61811
- ខែនេះ176961
- ឆ្នាំនេះ176961
- សរុប20619417