មុខសញ្ញាជួញដូរគ្រឿងញឿន ២នាក់ត្រូវកម្លាំងនគរបាលឃាត់ខ្លួន
19-October-2017 | ដោយ ពល បញ្ញា
តាកែវ ៖ ជនសង្ស័យ ២នាក់ត្រូវកម្លាំងការិយាល័យប្រឆាំងការជួញដូរគ្រឿងញៀន នៃស្នងការដ្ឋាននគរបាលខេត្តតាកែវ សហការជាមួយកម្លាំងជំនាញអធិការដ្ឋាននគរបាលស្រុកត្រាំកក់ឃាត់ខ្លួនពាក់ព័ន្ធករណីប្រើប្រាស់ដោយខុសច្បាប់នូវសារធាតុញៀន កាលពីថ្ងៃទី១៨ ខែតុលា ឆ្នាំ២០១៧ វេលាម៉ោង១៣និង២០នាទី លំនៅដ្ឋានមួយកន្លែងដែលមានម្ចាស់ឈ្មោះ ឡាយ ឆាយវណ្ណា ហៅ ឌឹក ភេទប្រុស អាយុ ៣៨ឆ្នាំនៅភូមិ ព្រៃរំដេង ឃុំ អង្គតាសោម ។
ដោយអនុវត្តតាមការចង្អុលបង្ហាញផ្ទាល់ពីសំណាក់ឯកឧត្តម ឧត្តមសេនីយ៍ទោ សុខ សំណាង ស្នងការនគរបាលខេត្ត និងមានការសម្របសម្រួលពីលោក ឃុន ភឿន ព្រះរាជអាជ្ញារងអមសាលាដំបូងខេត្តតាកែវ និងតាមចម្លើយសារភាពរបស់ជនសង្យ័យឈ្មោះ សយ សំ និង ភុន ដាវិត ដែលបានឃាត់ខ្លួនកាលពីថ្ងៃទី ១៧ ខែតុលា ឆ្នាំ២០១៧ ក្រោយពីធ្វើការឆែកឆេរ សមត្ថកិច្ចបានរកឃើញ និងដកហូតវត្តុតាងរួមមានៈ កាបូបស្ពាយពណ៍ក្រហម០១ ម្សៅក្រាមពណ៌សថ្លាចំនួន ០៩កញ្ចប់តូច ទូរស័ព្ទដៃចំនួន ០២គ្រឿង ម៉ូតូ០១គ្រឿង និង ស្បោងច្រកមួយចំនួនទៀត ព្រមទាំងឃាត់ខ្លួនជនសង្ស័យចំនួន ០២នាក់មានទី១ឈ្មោះ តេង មាស ភេទប្រុស អាយុ ៣៩ឆ្នាំនៅភូមិ នាល ឃុំ តាំងដូង ស្រុក បាទី(អ្នកជួញដូរ) និងទី២ឈ្មោះ រឿន ការ ភេទ ស្រី អាយុ ២៧ឆ្នាំនៅភូមិ ស្វាយអ៊ី ឃុំ ចំណាក្រោម ស្រុក ស្ទោង ខេត្តកំពង់ធំ (អ្នកប្រើបាស់) រីឯម្ចាស់ផ្ទះឈ្មោះ ឡាយ ឆាយវណ្ណាបានគេចខ្លួនបាត់។
បច្ចុប្បន្ន ជនសង្ស័យខាងលើ សមត្ថកិច្ចបានឃាត់ខ្លួនបញ្ជូនមកកាន់ស្នងការដ្ឋាននគរបាលខេត្ត និងកសាងសំណុំរឿងដើម្បីស្វែងរកចាប់ខ្លួនជនសង្ស័យដែលជាមេក្លោងមកផ្តន្ទាទោសតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ6581
- ម្សិលមិញ9421
- សប្តាហ៍នេះ62241
- ខែនេះ177391
- ឆ្នាំនេះ177391
- សរុប20619847