ស្ត្រីម្នាក់យកលុយប្តីទៅលាក់ រួចទៅប្តឹងនគរបាលថា មានចោរចូលប្លន់ ផ្អើលនគរបាលខណ្ឌទួលគោក
24-October-2017 | ដោយ ពល បញ្ញា
ភ្នំពេញ ៖ លោកវរសេនីយ៍ត្រី ស៊ឹម ពិសិទ្ធិ អធិការរងខណ្ឌទួលគោកបានឲ្យដឹងថាកាលពីថ្ងៃទី២៣ ខែតុលា ឆ្នាំ២០១៧ វេលាម៉ោង២១និង១០នាទី មានករណីបំភ្លើសសភាពការណ៍ថាចោរប្លន់លុយ នៅចំណុចផ្ទះលេខ៦៨ EO ផ្លូវលេខ១១០ ក្រុមទី៧ ភូមិ៣ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។
លោកអធិការរងបន្តថាជន បំភ្លើសសភាពការណ៍ខាងលើឈ្មោះ ស៊ុន រដ្ឋា ភេទស្រី អាយុ៥៦ឆ្នាំ ជនជាតិខ្មែរ មុខរបរ នៅផ្ទះ ស្នាក់នៅផ្ទះលេខ៦៨Eo ផ្លូវលេខ១១០ ក្រុមទី៧ ភូមិ៣ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ មានប្ដីឈ្មោះ ង៉ែត ញ៉ ភេទប្រុស អាយុ៦១ឆ្នាំ ជនជាតិខ្មែរ មុខរបរ សន្តិសុខ យាមក្រុមហ៊ុនហនុមាន ស្នាក់នៅផ្ទះកើតហេតុខាងលើ (ជាម្ចាស់លុយ )។
លោកវរសេនីយ៍ត្រី ស៊ឹម ពិសិទ្ធ បញ្ជាក់ថាមុនពេលកើតហេតុឈ្មោះ ស៊ុន រដ្ឋា ភេទស្រី អាយុ៥៦ឆ្នាំ ជនជាតិខ្មែរ ឆ្លៀតពេលប្ដី មិននៅផ្ទះបានបំភ្លើសសភាពការណ៍ថាចោរប្លន់យកលុយនៅក្នុងផ្ទះអស់ចំនួន១០០០ដុល្លារនិង៨០០,០០០រៀល ដោយចោទថាមានជនល្មើស២នាក់មកចូលយកកូនកាំបិតភ្ជង់ប្លន់យកលុយខាងលើហើយគេចខ្លួនបាត់ ហើយឈ្មោះ ស៊ុន រដ្ឋា បានមកប្ដឹងនគរបាលប៉ុស្តិ៍រដ្ឋបាលផ្សារដេប៉ូទី៣ ។
តាមការបំភ្លឺអះអាងរបស់ឈ្មោះ ជន បញ្ញារស្មី ភេទប្រុស អាយុ៨ឆ្នាំ ជាចៅដែលរស់នៅជាមួយឈ្មោះ ស៊ុន រដ្ឋា ជាយាយ បានឲ្យដឹងថានៅថ្ងៃទី២១ ខែតុលា ឆ្នាំ២០១៧ វេលាម៉ោងប្រហែល ២និង២០នាទីរសៀល ខ្លួនបានឃើញយាយខ្លួនឈ្មោះ ស៊ុន រដ្ឋា ឆ្លៀតពេលជីតាខ្លួនឈ្មោះ ង៉ែត ញ៉ កំពុងតែដេកលក់នៅផ្ទះហើយបានទុកកូនសោរកេសដាក់លុយនៅជាប់កង់ ភ្លាមនោះជីដូនខ្លួនឈ្មោះ ស៊ុន រដ្ឋា បាន យកកូនសោរកេសយកទៅចម្លងទុកសម្រាប់យកលុយជីតារបស់ខ្លួន លុះមកដល់ថ្ងៃទី២៣ ខែតុលា ឆ្នាំ២០១៧ វេលាម៉ោងប្រហែល ៩ យប់ឆ្លៀតពេលជីតាខ្លួនទៅយាមជាសន្តិសុខយាយរបស់ខ្លួនក៏បាន យកកូនសោរកេសដែលចម្លងរួចហើយយកលុយចំនួន២ដុំដាក់នៅក្នុងថង់ពណ៌ខ្មៅ រួចយាយរបស់ខ្លួនឈ្មោះ ស៊ុន រដ្ឋា ក៏យក លុយទៅលាក់ទុកបាត់ រួចយាយក៏មករើកកាយខោអាវនៅក្នុងផ្ទះធ្វើដូច មានចោរចូលប្លន់ ហើយនាំរូបខ្លួនមកទីស្នាក់ការប៉ុស្តិ៍រដ្ឋបាលផ្សារដេប៉ូទី៣ ថាមានចោរចូល ប្លន់យកលុយ ទើប មានសមត្ថកិច្ចចុះទៅកន្លែងកើតហេតុតែម្ដង។ នៅក្នុងផ្ទះរបស់ខ្លួនគឺជីតាខ្លួនជាអ្នកទុកដាក់លុយកាក់និងកូនសោរកេសដាក់លុយ ។
លោកអធិការរបន្តថា ចំពោះស្ត្រីដែលបំភ្លើសសភាពការណ៍កំពុងសំគោលការណ៍ពីលោកអធិការ ដើម្បីចាត់ការតាមនីតិវិធី ឬយ៉ាងណា ៕
ចំនួនអ្នកទស្សនា
- ថ្ងៃនេះ7301
- ម្សិលមិញ9421
- សប្តាហ៍នេះ62961
- ខែនេះ178111
- ឆ្នាំនេះ178111
- សរុប20620567