ថ្នាំញៀនជិត៥០គ្រាប់ និងអ្នកចែកចាយម្នាក់ ត្រូវសមត្ថកិច្ចចាប់ខ្លួន
25-October-2017 | ដោយ ពល បញ្ញា
បាត់ដំបង ៖ ជនសង្ស័យម្នាក់ដែលជាមុខសញ្ញាចែកចាយគ្រឿងញៀន ហើយក៏ត្រូវបានកម្លាំងសមត្ថកិច្ចតាមប្រមាញ់ជាយូរមកហើយនោះ ត្រូវបានឃាត់ខ្លួនភ្លាមៗ លើករណីជាក់ស្តែង ព្រមទាំងបានដកហូតនូវថ្នាំញៀនប្រភេទយ៉ាម៉ាមួយចំនួនថែមទៀត ខណៈដែលជនសង្ស័យរូបនេះកំពុងធ្វើសកម្មភាព ។
កិច្ចប្រតិបត្តិការដែលដឹកនាំដោយលោក វរសេនីយ៍ត្រី សារ៉េត វិសេដ្ឋ អធិការរង នគរបាលស្រុកភ្នំព្រឹក បានធ្វើឡើងកាលពី ថ្ងៃទី ២៤ ខែតុលា ឆ្នាំ២០១៧ វេលាម៉ោង ៥ ល្ងាចត្រង់ចំណុចភូមិ អូរថ្មី ឃុំ ពេជ្រចិន្តា ស្រុកភ្នំព្រឹក ខេត្តបាត់ដំបង បន្ទាប់ពីកម្លាំងបានទទួលនូវសេចក្តីរាយការណ៍រួចមក ។
នៅក្នុងកិច្ចប្រតិបត្តិការនោះដែរ សមត្ថកិច្ចបានធ្វើការឃាត់ខ្លួនជនសង្ស័យ ម្នាក់ ឈ្មោះ ពៅ ណាក់ ភេទ ប្រុស អាយុ ២៤ឆ្នាំ មុខរបរ មិនពិតប្រាកដ មានទីលំនៅ ភូមិ ឃុំ ខាងលើ ព្រមទាំងបានដកហូតនូវថ្នាំញៀនប្រភេទយ៉ាម៉ាចំនួន ៤៥គ្រាប់ ទូរស័ព្ទដៃចំនួនមួយគ្រឿងនិង ឧបករណ៍ប្រើប្រាស់ មួយចំនួនថែមទៀត។
នៅក្នុងករណីនេះដែរ ក្រោយពីមានការសារភាពពីសំណាក់ជនសង្ស័យរួចមក សមត្ថកិច្ចកំពុងកសាងសំណុំរឿងដើម្បីបញ្ជូនជនសង្ស័យ រួមនិងវត្ថុតាង ទៅកាន់សាលាដំបូងខេត្ត ក្នុងការចាត់ការតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ8021
- ម្សិលមិញ9421
- សប្តាហ៍នេះ63681
- ខែនេះ178831
- ឆ្នាំនេះ178831
- សរុប20621287