ស្វាយរៀង ៖ យ៉ាងហោចណាស់​មនុស្ស ៣​នាក់​បាន​រងរបួស​ធ្ងន់​ក្នុងករណី​គ្រោះថ្នាក់​ចរាចរណ៍​រវាង​ម៉ូតូ​បុក​ជាមួយ​ម៉ូតូ កាលពី​ថ្ងៃទី​២៤ ខែតុលា ឆ្នាំ​២០១៧ វេលា​ម៉ោង​១២​និង​៥០​នាទ នៅលើ​ផ្លូវជាតិ​លេខ​១ ចន្លោះ​គីឡូម៉ែត្រ​លេខ​១៤៣-១៤៤ ស្ថិតនៅ​ភូមិ ដើម​ពោធិ៍ ឃុំ​ស្វាយ​តា​យាន ស្រុក​កំពង់រោទិ៍ ខេត្តស្វាយរៀង​។​

សមត្ថកិច្ច​បាន​ឲ្យ​ដឹងថា​មុនពេល​កើតហេតុ​មាន​ម៉ូតូ​មួយគ្រឿង​ម៉ាក​ហុងដា​ឌ្រី​ម ស៊េរី​ឆ្នាំ ២០១៥ ពណ៌ ខ្មៅ ស្លាក​លេខ ស្វាយរៀង​1H-7052 បើកបរ​ដោយ​ឈ្មោះ ផាត វីរៈ ភេទ​ប្រុស អាយុ ២៣​ឆ្នាំ មុខរបរ កសិករ រស់នៅ​ភូមិ ត្រពាំង​ត្រាច ឃុំ​ស្វាយ​តា​យាន ស្រុក​កំពង់រោទិ៍ ខេត្តស្វាយរៀង រងរបួស​ធ្ងន់ ពាក់មួក ទិសដៅ​ពី​កើ​តទៅ​លិច មក​កន្លែងកើតហេតុ​ខាងលើ បាន​បុក​ម៉ូតូ​ម៉ាក ហុងដា​ឌ្រី​ម ស៊េរី​ឆ្នាំ​២០១០ ពណ៌ ខ្មៅ ស្លាក​លេខ ស្វាយរៀង 1I-1050 ពីក្រោយ ក្នុងទិសដៅ​ស្របគ្នា បើកបរ​ដោយ​ឈ្មោះ អ៊ុក សារឿន ភេទ​ប្រុស អាយុ​៦៥​ឆ្នាំ មុខរបរ កសិករ រស់នៅ​ភូមិ ស្វាយ​តា​យាន ឃុំ​ស្វាយ​តា​យាន ស្រុក​កំពង់រោទិ៍ ខេត្តស្វាយរៀង រងរបួស​ធ្ងន់ មិន​ពាក់មួក អ្នករួមដំណើរ​ម្នាក់ ឈ្មោះ អន ហ៊​ន ភេទ​ស្រី អាយុ ៦៦​ឆ្នាំ មុខរបរ កសិករ រស់នៅ​ភូមិ​ឃុំ​ជាមួយគ្នា រងរបួស​ធ្ងន់ មិន​ពាក់មួក​។​

ករណីនេះ​អ្នករងរបួស​បាន​បញ្ជូន​ទៅ​មន្ទីរពេទ្យបង្អែក​ជី​ភូ ចំណែក​មធ្យោបាយ​ទាំងពីរ​គ្រឿង​រក្សាទុក​នៅ​អធិការដ្ឋាន​នគរបាល​ស្រុក​ស្វាយទាប​៕

​