មុខសញ្ញាជួញដូរគ្រឿងញៀនម្នាក់ ត្រូវសមត្ថកិច្ចឃាត់ខ្លួន
26-October-2017 | ដោយ ពល បញ្ញា
ភ្នំពេញ ៖ កាលពីថ្ងៃទី២៥ ខែតុលា ឆ្នាំ២០១៧ វេលាម៉ោង២៣និង២០នាទី ក្រោយពីបើកការស្រាវជ្រាវកម្លាំងជំនាញខណ្ឌឫស្សីកែវសហការជាមួយកម្លាំងប៉ុស្តិ៍បានចុះធ្វើការបង្ក្រាបជាក់ស្តែងករណីជួញដូរដោយខុសច្បាប់នូវសារធាតុញៀន ត្រង់ចំណុចបន្ទប់ជួល ផ្លូវបេតុង ក្រុម៧ ភូមិឃ្លាំងសាំង សង្កាត់ឫស្សីកែវ។
លោកវរសេនីយ៍ ទៀង ចាន់សា អធិការខណ្ឌឫស្សីកែវ បានឲ្យដឹងថាក្នុងប្រតិបត្តិការខាងលើកម្លាំងជំនាញបានឃាត់ខ្លួនជនសង្ស័យម្នាក់ឈ្មោះ ជុន រៀមច្បង ភេទប្រុស អាយុ២៨ឆ្នាំ ជនជាតិខ្មែរ មានទីលំនៅស្នាក់នៅផ្ទះជួល ផ្លូវបេតុង ភូមិឃ្លាំងសាំង សង្កាត់ឫស្សីកែវ មុខរបរមិនពិតប្រាកដ(ជួញដូរ)។
សម្ភារៈដកហូតរួមមានៈ ក្រាមពណ៌សថ្លាចំនួន២៦កញ្ចប់, កញ្ឆាចំនួន ៣កញ្ចប់ធំល្មម, ជញ្ជីងថ្លឹងគ្រឿងញៀនចំនួនមួយ, ថង់សម្រាបប់ច្រកគ្រឿងញៀនមួយចំនួនធំ, ឧបករណ៍ប្រើប្រាស់មួយចំនួន។
បច្ចុប្បន្នកម្លាំងជំនាញ កំពុងបន្តការស្រាវជ្រាវរកបក្ខពួកនិងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី ៕
ចំនួនអ្នកទស្សនា
- ថ្ងៃនេះ7761
- ម្សិលមិញ9421
- សប្តាហ៍នេះ63421
- ខែនេះ178571
- ឆ្នាំនេះ178571
- សរុប20621027