រថយន្តលុចស៊ីសER300ឡើងវ៉ាធ្លាក់ផ្លូវ បុកបាក់សសរសំយ៉ាបផ្ទះតែគ្មានអ្នករងរបួស
30-October-2017 | ដោយ ពល បញ្ញា
បន្ទាយមានជ័យ ៖ រថយន្តលុចស៊ីសER300ឡើងវ៉ាធ្លាក់ផ្លូវបណ្តាលបុកបាក់សសរសំយ៉ាបផ្ទះ តែគ្មានអ្នករងរបួសដែលកើតឡើងនៅវេលាម៉ោង៨និង៣០នាទីយប់ថ្ងៃទី២៩ ខែតុលា ឆ្នាំ២០១៧ នៅតាមបណ្តោយផ្លូវជាតិលេខ៥ ស្ថិតភូមិគោកស្វាយ ឃុំឫស្សីក្រោក ស្រុកមង្គលបូរី។
អ្នកឃើញហេតុការណ៍បានប្រាប់ថា នៅពេលគ្រោះថ្នាក់ចរាចរណ៍កើតគឺមានរថយន្តធុន LEXUS ER300ដែលពាក់ស្លាក់លេខភ្នំពេញ2A-6606 បានបើកបរតាមបណ្តោយផ្លូវជាតិលេខ៥ទិសដៅពីជើងមកត្បូងហើយបានឡើងវ៉ារថយន្តច្នៃមួយគ្រឿងអូសរ៉ឺម៉កដឹកទូកមកពីប្រណាំងបានជួបឧបសគ្គខាងមុខបានគេចទៅប៉ះរថយន្តម៉ាកហាយឡែនឌ័រមួយគ្រឿងទៀតហើយរេចង្កូតទៅបុកសសរសំយ៉ាបផ្ទះបាក់អស់មួយ។
ក្រោយពេលគ្រោះថ្នាក់ចរារណ៍កើតឡើងគ្មានអ្នករងរបួសឡើយតែឃើញរថយន្តដែលបង្កបណ្តាលខ្ទិចខាងមុខនិងបាក់សសរសំយ៉ាបផ្ទះអស់មួយនិងប៉ះរថយន្តមួយគ្រឿងទៀត តែម្ចាស់រថយន្តដែលបង្កមិនបានរត់ឬគេចខ្លួនទៅណាឡើយ។ ហើយកំពុងឈដោះស្រាយជាមួយម្ចាស់ផ្ទះបាក់សសរសំយ៉ាបផ្ទះអស់១ដើម និងរថយន្តម៉ាក់ហាយឡែនឌ័រ១គ្រឿងដែលខូចខាតបន្តិចបន្តួច។
នៅពេលគ្រោះថ្នាក់ចរាចរណ៍ភ្លាមៗមិនឃើញមានកម្លាំងនគបាលចរាចរណ៍ណាមួយមកធ្វើការវាស់វែងឡើយគឺឃើញម្ចាស់រថយន្តដែលបង្កកំពុងដោះស្រាយជាមួយជនរងគ្រោះ ៕
ចំនួនអ្នកទស្សនា
- ថ្ងៃនេះ7811
- ម្សិលមិញ9421
- សប្តាហ៍នេះ63471
- ខែនេះ178621
- ឆ្នាំនេះ178621
- សរុប20621077