ឃើញពីស្ថានភាពសាលារៀនមានភាពចាស់ទ្រុឌទ្រោមលោកជំទាវ ញ៉ែម សាខន និងជំទាវ ម៉ៅ ម៉ាល័យ បានជួយអគារសិក្សា១ខ្នង៥បន្ទប់
30-October-2017 | ដោយ ពល បញ្ញា
បន្ទាយមានជ័យ ៖ អគារសិក្សាមួយខ្នង ដែលមាន ៥បន្ទប់ ដែលជាអំណោយដ៏ថ្លៃថ្លារបស់លោកជំទាវ ញ៉ែម សាខន និងជំទាវ ម៉ៅ ម៉ាល័យ ត្រូវបានបញ្ចុះបឋមសិលាសាងសង់កាលពីរសៀលថ្ងៃទី២៨ ខែតុលា ឆ្នាំ២០១៧ នៅចំណុចសាលាឧបសម្ព័ន្ធព្រែករពៅស្ថិតឃុំឫស្សីក្រោក ស្រុកមង្គលបូរី។
លោក ដា ស៊ីណង់ អភិបាលរងស្រុកមង្គលបូរីបានមានប្រសាសន៍រាយការថា សាលាឧបសម្ព័ន្ធព្រែករពៅអគារចាស់ធ្វើអំពីឈើជញ្ជាំងក្តាប្រក់ស័ង្កសី ហើយបានកសាងឡើងរយៈពេលយូរមកហើយរហូតពេលនេះមានសភាពទ្រុឌទ្រោមនៅរដូវវស្សាទឹកលិចស្ទើររាល់ឆ្នាំបណ្តាលសិស្សខាតពេលវេលាសិក្សា។
លោកបានបញ្ជាក់ថា ដោយឃើញពីសភាពអគារសិក្សាមានភាពចាស់ទ្រុឌទ្រោមនិងសិស្សជួបការលំបាក់នៅរដូវវស្សាទឹកលិចអាជ្ញាធរស្រុកបានស្នើរសុំលោកជំទាវលោកជំទាវ ញ៉ែម សាខន និងជំទាវ ម៉ៅ ម៉ាល័យ បានសន្យាជួយអគារសិក្សា១ខ្នង៥បន្ទប់កសាងអំពីថ្មប្រក់ក្បឿងត្រូវបានបញ្ចុះបឋមសីលាសាងសង់នៅពេលនេះ។
លោក សួន បវរ អភិបាលខេត្តបន្ទាយមានជ័យមានប្រសាសន៍ថ្លែងអំណគុណចំពោះលោកជំទាវ ញ៉ែម សាខន សម្តេចក្រឡាហម ស ខេង រដ្ឋមន្ត្រីក្រសួងមហាផ្ទៃ និងជំទាវ ម៉ៅ ម៉ាល័យ លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀនដែលបានជួយអគារសិក្សាមួយខ្នង ៥បន្ទប់ដល់សាលាឧបសម្ព័ន្ធព្រែករពៅស្ថិតឃុំឫស្សីក្រោកស្រុកមង្គលបូរី ៕
ចំនួនអ្នកទស្សនា
- ថ្ងៃនេះ8011
- ម្សិលមិញ9421
- សប្តាហ៍នេះ63671
- ខែនេះ178821
- ឆ្នាំនេះ178821
- សរុប20621277