រថយន្តហាយឡែនឌ័របុកឡានធំដឹកខ្សាច់ បញ្ច្រាសទិសគ្នាពេញទំហឹងបណ្ដាលឲ្យរងរបួសមនុស្ស ២នាក់
30-October-2017 | ដោយ ពល បញ្ញា
ព្រះសីហនុ ៖ មនុស្ស ២នាក់បានរងរបួសធ្ងន់ក្នុងករណីគ្រោះថ្នាក់ចរាចរណ៍រវាងរថយន្ត ហាយឡែនឌ័រ បុកជាមួយរថយន្តធុនធំដឹកខ្សាច់នៅថ្ងៃទី៣០ ខែតុលា ឆ្នាំ២០១៧ វេលាម៉ោង១៣និង២៥នាទី លើផ្លូវជាតិលេខ៤ ចន្លោះគីឡូម៉ែត្រ១៦១-១៦២ ស្ថិតនៅក្នុងភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ។
សមត្ថកិច្ចបានឲ្យដឹងថាមុនពេលកើតហេតុមានរថយន្តមួយគ្រឿងម៉ាក ហាយឡែនឌ័រ ពណ៌ទឹកប្រាក់មួយគ្រឿង មានទិសដៅពីខេត្តព្រះសីហនុ ឆ្ពោះទៅ ភ្នំពេញ បានវ៉ាជែងរថយន្តមួយគ្រឿងទៀត រួចចូលទៅបុកជាមួយរថយន្តធុនធំ ដឹកខ្សាច់មួយគ្រឿង ដែលមានទិសដៅបញ្ច្រាសគ្នា ពេញទំហឹង ។
គ្រោះថ្នាក់នេះបណ្ដាលឲ្យរងរបួសមនុស្សចំនួន២នាក់ អ្នកបើកបររថយន្តហាយឡែនឌ័រ និង អ្នករួមដំណើរ បានបញ្ជូនទៅសង្គ្រោះនៅគ្លីនិកលិគឹមឌីវាលរេញ ។
បច្ចុប្បន្នរថយន្តទាំងពីរគ្រឿងរក្សាទុកនៅកន្លែងកើតហេតុ រងចាំស្ទូចយកចេញពីកន្លែងកើត។ ចំណែកអ្នកបើកបររថយន្តធុនធំ គេចខ្លួនបាត់ ក្រោយពេលកើតហេតុ ៕
ចំនួនអ្នកទស្សនា
- ថ្ងៃនេះ7911
- ម្សិលមិញ9421
- សប្តាហ៍នេះ63571
- ខែនេះ178721
- ឆ្នាំនេះ178721
- សរុប20621177