លោកអធិការនគរបាលស្រុកត្រាំកក់ ឃាត់ខ្លួនជនសង្ស័យម្នាក់ពីបទប្រើហិង្សាមានស្ថានទម្ងន់ទោស
31-October-2017 | ដោយ ពល បញ្ញា
តាកែវ ៖ ជនសង្ស័យម្នាក់ត្រូវបានកម្លាំងនគរបាលស្រុកត្រាំកក់ ដឹកនាំដោយលោកវរសេនីយ៍ទោ ឌុក ធីយា អធិការនគរបាលស្រុក ឃាត់ខ្លួនជាក់ស្តែង ពាក់ព័ន្ធករណីហិង្សាមានស្ថានទម្ងន់ទោស កាលពីរសៀលថ្ងៃទី៣០ ខែតុលា ឆ្នាំ២០១៧ នៅចំណុចផ្ទះគ្មានម្ចាស់នៅ ស្ថិតក្នុងភូមិដំណាក់រវៀង ឃុំពពេល ស្រុកត្រាំកក់។
លោកអធិការបន្តថាជនសង្ស័យទី១-ឈ្មោះ មុំ បេ ភេទប្រុស អាយុ៤២ឆ្នាំ រស់នៅភូមិ ឃុំ កើតហេតុ និងទី២-ឈ្មោះ សុខ ភេទប្រុស រស់នៅផ្ទះជួល ម្ដុំជម្ពូវ័ន្តក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ បានធ្វើសកម្មភាពប្រដាប់ដោយកាំបិតកាប់ទៅលើជនរងគ្រោះឈ្មោះ ងិន វាសនា ភេទប្រុស អាយុ៣៣ឆ្នាំ រស់នៅភូមិត្រពាំងពោធិ ឃុំជាងទង ស្រុកត្រាំកក់ ចំក្បាលនិងកញ្ចឹងកពីក្រោយជាច្រើនកាំបិតបណ្ដាលអោយរងរបួសធ្ងន់ ត្រូវបានដឹកយកទៅសង្រោះបន្ទាន់នៅមន្ទីរពេទ្យបង្អែកខេត្តតាកែវ ។
លោកអធិការបន្ថែមទៀតថា ក្នុងកិច្ចប្រតិបត្តិបង្ក្រាបនេះជំនាញ ឃាត់ខ្លួនជនសង្ស័យបានម្នាក់ ឈ្មោះ មុំ បេ រីឯជនសង្ស័យម្នាក់ទៀតឈ្មោះ សុខ បានរត់គេចខ្លួនបាត់។ យោងតាមចម្លើយសារភាពរបស់ជនសង្ស័យខាងលើដោយសារ មូលហេតុដែលនាំឲ្យមានទំនាស់រហូតឈានដល់កើតមានអំពើហិង្សា គឺបណ្តាលមកពីមានទំនាស់ពាក្យសំដី និងមានគំនុំពីមុនមក។
បច្ចុប្បន្នជំនាញកំពុងកសាងសំណុំរឿងបញ្ជូនជនសង្ស័យនិងស្វែងរកចាប់បក្សពួកយកមកផ្តន្ទាទោសតាមច្បាប់ មកកាន់ស្នងការដ្ឋាននគរបាលខេត្តចាត់ការបន្ត ៕
ចំនួនអ្នកទស្សនា
- ថ្ងៃនេះ7781
- ម្សិលមិញ9421
- សប្តាហ៍នេះ63441
- ខែនេះ178591
- ឆ្នាំនេះ178591
- សរុប20621047