ស្ត្រីម្នាក់ជិះម៉ូតូបត់មិនប្រយ័ត្ន ត្រូវរថយន្តបុកស្លាប់នៅហ្នឹងកន្លែង
01-November-2017 | ដោយ ពល បញ្ញា
ព្រៃវែង ៖ កាលពីថ្ងៃទី៣១ ខែតុលា ឆ្នាំ២០១៧ វេលាម៉ោង១៧និង២៥នាទី តាមផ្លូវជាតិលេខ៦ ចន្លោះគីឡូមែត្រលេខ១០១- ១០២ភូមិគ្រើល ឃុំអណ្តូងពោធិ ស្រុកបារាយណ៍ រវាងម៉ូតូនិងរថយន្តក្នុងទិសដៅស្របពីត្បូងទៅជើង ហើយម៉ូតូបត់ធ្វេងបណ្តាលឲ្យស្លាប់អ្នកបើកម៉ូតូនៅកន្លែងកើតហេតុ។
សមត្ថកិច្ចបានឲ្យដឹងថាមុនពេលកើតហេតុមានម៉ូតូមួយគ្រឿងម៉ាកសេ១០០ កូរ៉េពណ៌ស្លាទុំ គ្មានស្លាកលេខ បើកបរដោយឈ្មោះ ឡុង ចន្ថា ភេទស្រី អាយុ៦២ឆ្នាំ ស្នាក់នៅភូមិ បុស្សស្បែង ឃុំជ្រលង ស្រុកបារាយណ៍ស្លាប់កន្លែងកើតហេតុ មិនពាក់មួកសុវត្ថិភាព ពេលកន្លែងកើតហេតុត្រូវរថយន្តម៉ាកសាំយ៉ុង ពណ៌លឿង ពាក់ស្លាកលេខលេខភ្នំពេញ 2AP-4290 បើកបរឈ្មោះ វានវឿន ភេទប្រុស អាយុ៣៥ឆ្នាំ ស្នាក់នៅភូមិ បាយ៉ាប ឃុំទៀងឃ្វាង ស្រុកកំចាយមា ខេត្តព្រៃវែង បុកម៉ូតូ ឃាត់ខ្លួននៅអធិការដ្ឋាននគរបាលស្រុកបារាយណ៍ ។
វត្ថុតាងរក្សាទុកនៅអធិការដ្ឋាននគរបាលស្រុក បារាយណ៍ មូលហេតុបឋមបង្កពីអ្នកបើកម៉ូតូបត់ធ្វេងខ្ជីខ្ជាខ្វះការការប្រុងប្រយ័ត្ន ៕
ចំនួនអ្នកទស្សនា
- ថ្ងៃនេះ7781
- ម្សិលមិញ9421
- សប្តាហ៍នេះ63441
- ខែនេះ178591
- ឆ្នាំនេះ178591
- សរុប20621047