ជិះម៉ូតូក្នុងល្បឿនលឿន បុកដើមឈើបណ្តាលឲ្យស្លាប់ម្នាក់និងរបួសធ្ងន់ ២នាក់
01-November-2017 | ដោយ ពល បញ្ញា
ស្វាយរៀង ៖ កាលពីថ្ងៃទី៣១ ខែតុលា ឆ្នាំ២០១៧ វេលាម៉ោង២២និង០៥នាទី នៅលើផ្លូវ៣១៧ ផ្លូវក្រាលកៅស៊ូ ស្ថិតនៅភូមិ ព្រៃធ្នង់ ឃុំរមាំងថ្កោល ស្រុកស្វាយទាប ខេត្តស្វាយរៀង មានករណីគ្រោះថ្នាក់ចរាចរណ៍កើតឡើងម៉ូតូបុកដើមប្រេងខ្យល់ដោយខ្លួនឯង។
សមត្ថកិច្ចបានឲ្យដឹងថាមុនពេលកើតហេតុមានម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ ២០១៥ ពណ៌ខ្មៅ ស្លាកលេខ ក្រចេះ 1C-2337 បើកបរដោយឈ្មោះ វង្ស រ៉ា ភេទប្រុស អាយុ ១៨ឆ្នាំ មុខរបរ កសិករ រស់នៅភូមិ កក់ ឃុំស្វាយរំពារ ស្រុកស្វាយទាប ខេត្តស្វាយរៀង រងរបួសធ្ងន់ (មិនពាក់មួក) មានអ្នករួមដំណើរ ២ នាក់ ទី១-ឈ្មោះ ធុច ឆៃ ភេទប្រុស អាយុ ១៩ឆ្នាំ មុខរបរ ជាងសំណង់ រស់នៅភូមិឃុំជាមួយគ្នា ស្លាប់នៅកន្លែងកើតហេតុ (មិនពាក់មួក) អ្នករួមដំណើទី២- ឈ្មោះ វី អាយុ ១៩ឆ្នាំ មុខរបរ កសិករ រស់នៅភូមិឃុំជាមួយគ្នា រងរបួសស្រាល (មិនពាក់មួក) ទិសដៅពីជើងទៅត្បូង ករណីនេះអ្នករងរបួសធ្ងន់ បានបញ្ជូនទៅមន្ទីរពេទ្យខេត្តស្វាយរៀង ចំណែកអ្នកស្លាប់បានប្រគល់ទៅអោយបងប្អូនធ្វើបុណ្យតាមប្រពៃណី។ រីឯមធ្យោបាយរក្សាទុកនៅប៉ុស្តិ៍រដ្ឋបាលឃុំរមាំងថ្កោល។ ម៉ូតូ ខូចខាតធ្ងន់។ មូលហេតុៈ អ្នកបើកបរម៉ូតូ ប្រើប្រាស់ល្បឿនលឿន ៕
ចំនួនអ្នកទស្សនា
- ថ្ងៃនេះ8781
- ម្សិលមិញ9421
- សប្តាហ៍នេះ64441
- ខែនេះ179591
- ឆ្នាំនេះ179591
- សរុប20622047