លោក យឹម សំណាង សំណូមពរដល់ប្រជាពលរដ្ឋដែលមានកូនគ្រប់អាយុត្រូវយកមកចុះចូលរៀនដើម្បីអនាគតកូនចៅ
01-November-2017 | ដោយ ពល បញ្ញា
បន្ទាយមានជ័យ ៖ ក្នុងពិធីបើកបវេសនកាលសិក្សាឆ្នាំ២០១៧-២០១៨ នៅព្រឹកថ្ងៃទី០១ ខែវិច្ឆិកា ឆ្នាំ២០១៧ នៅវិទ្យាល័យភ្នំស្រុកស្រុកភ្នំស្រុកអភិបាលស្រុក សំណូមពរដល់ប្រជាពលរដ្ឋដែលមានកូនគ្រប់អាយុត្រូវយកមកចុះចូលរៀនដើម្បីអនាគតកូនចៅ។
លោក យឹម សំណាង អភិបាលស្រុកភ្នំស្រុកបានមានប្រសាសន៍លើកឡើងថា៖ស្រុកភ្នំស្រុកគឺជាស្រុកមួយជាប់ព្រំប្រទល់ខេត្តឧត្តរមានជ័យដែលនៅឆ្ងាយពីទីរួមខេត្តបន្ទាយមានជ័យនាសម័យសង្គ្រាមគឺជាតំបន់សមភូមិក្តៅរវាងទ័ពរដ្ឋាភិបាលនិងទ័ពព្រៃ។
នាសម័យសម្តេចតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជាបានអនុវត្តគោលនយោបាយឈ្នះឈ្នះប្រទេសកម្ពុជាទទួលបានសុខសន្តិភាពនិងមានការអភិឌ្ឍ រីកចម្រើនគ្រប់វិស័យនៅកម្ពុជា។
លោកបានមានប្រសាសន៍ណែនាំដល់សិក្សានុសិស្សត្រូវជៀសឆ្ងាយពីគ្រឿងញៀន និងគោរពច្បាប់ចរាចរណ៍ទាំងអស់គ្នាការពារអាយុជីវិត សុខភាពរបស់ខ្លួន ដើម្បីអនាគតខ្លួនឯងក្លាយជាទំពាំងស្នងឫស្សីនិងក្រុមគ្រួសារនិងប្រទេសជាតិ។
លោក យឹម សំណាង បានសំណូមពរដល់បងប្អូនប្រជាពលរដ្ឋទាំងអស់ដែលមានកូនចៅគ្រប់អាយុត្រូវយកមកចុះឈ្មោះចូលរៀនដើម្បីអនាគតកូនចៅមានចំណេះគឺអនាគតភ្លឺថ្លា ៕
ចំនួនអ្នកទស្សនា
- ថ្ងៃនេះ8661
- ម្សិលមិញ9421
- សប្តាហ៍នេះ64321
- ខែនេះ179471
- ឆ្នាំនេះ179471
- សរុប20621927