ស្នងការដ្ឋាននគរបាលខេត្តតាកែវ មានរៀបចំពិធីបិទវគ្គបំប៉នជំនាញការងារចរាចរណ៍ផ្លូវគោកដល់មន្ត្រីនគរបាលជាតិ
01-November-2017 | ដោយ ពល បញ្ញា
តាកែវ ៖ នារសៀលថ្ងៃទី១ ខែវិច្ឆិកា ឆ្នាំ២០១៧ នៅសាលប្រជុំស្នងការដ្ឋាននគរបាលខេត្តតាកែវ មានរៀបចំពិធីបិទវគ្គបំប៉នជំនាញការងារចរាចរណ៍ផ្លូវគោកដល់មន្ត្រីនគរបាលជាតិ នៃស្នងការដ្ឋាននគរបាលខេត្ត។ ដោយយោងតាមអនុសាសន៍ណែនាំដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ កាលពីថ្ងៃទី១១ ខែតុលា ឆ្នាំ២០១៧ ស្តីពីការបើកវគ្គបំប៉នជំនាញការងារចរាចរណ៍ដល់មន្ត្រីនគរបាលចរាចរណ៍ផ្លូវគោកគ្រប់រាជធានី ខេត្ត។
ស្ថិតក្រោអធិបតីភាពលោកឧត្តមសេនីយ៍ត្រី គង់ សំអូន ស្នងការរងទទួលផែនសេនាធិការ តំណាងដ៏ខ្ពង់ខ្ពស់ឯកឧត្តម ឧត្តមសេនីយ៍ទោ សុខ សំណាង ស្នងការនគរបាលខេត្ត ដែលបានបើកវគ្គកាលថ្ងៃទី២៥ ខែតុលា ឆ្នាំ២០១៧។ ដោយមានការអញ្ជើញចូលរួមពី លោកស្នងការរងទទួលផែនសណ្តាប់ធ្នាប់ លោកនាយការិយាល័យពាក់ព័ន្ធ លោកអធិការរងមួយរូប លោកនាយផ្នែកមួយរូប មន្ត្រី ២រូប សរុបចំនួន៦១នាក់ ស្រី ៥នាក់។ ដែលមានមេរៀនដូចជា ទី១-លំហាត់របៀបកងជួរ និងក្បាច់គុណ ទី២-ប្រើយុទ្ធវិធីចាប់ខ្លួនជនល្មើស និងការប្រើប្រាស់ខ្នោះដៃដាក់ក្នុងស្ថានភាពស្រវឹងកោងកាច ប្រើហិង្សាតបតជាមួយសមត្ថកិច្ច ទី៣-ច្បាប់ស្តីពីចរាចរណ៍ផ្លូវគោក ទី៤-ក្រមនីតិវិធីព្រហ្មទណ្ឌ។
ថ្លែងក្នុងពិធីនោះដែរ គណៈអធិបតី សូមថ្លែងអំណរអរគុណយ៉ាងជ្រាលជ្រៅចំពោះលោកគ្រូឧទ្ទេសនាមដែលបានយកចិត្តទុកដាក់ខិតខំបង្ហាត់ បង្រៀន ដល់សិក្ខាកាមទទួលបានចំណេះដឹង និងបទពិសោធន៍ល្អៗយកទៅបម្រើការងារតាមអង្គភាពរៀងៗខ្លួន ព្រមទាំងក្រើនរម្លឹកដល់កងកម្លាំងនគរបាលជាតិក្រោមឱវាទទាំងអស់នៃស្នងការដ្ឋាននគរបាលខេត្តតាកែវឲ្យយកចិត្តទុកដាក់ខ្ពស់ចំពោះការផ្តល់សេវាសាធារណៈ និងទំនាក់ទំនងល្អជាមួយប្រជាពលរដ្ឋ ជាពិសេសការពារ សន្តិសុខ សុវត្តិភាព សណ្តាប់ធ្នាប់ ភូមិ ឃុំមានសុវត្តិភាព៕
ចំនួនអ្នកទស្សនា
- ថ្ងៃនេះ8731
- ម្សិលមិញ9421
- សប្តាហ៍នេះ64391
- ខែនេះ179541
- ឆ្នាំនេះ179541
- សរុប20621997