ភ្លៀងលាយឡំដោយខ្យល់កន្ត្រាក់បណ្តាលបំផ្លាញផ្ទះប្រជាពលរដ្ឋអស់ចំនួន៤ខ្នងស្រុកថ្មពួក
06-November-2017 | ដោយ ពល បញ្ញា
បន្ទាយមានជ័យ ៖ ភ្លៀងលាយឡំដោយខ្យល់កន្ត្រាក់បណ្តាលបំផ្លាញផ្ទះប្រជាពលរដ្ឋអស់ចំនួន៤ខ្នងនៅវេលាម៉ោង០៤ទៀបភ្លឺចូលថ្ងៃទី០៥ ខែវិច្ឆិកា ឆ្នាំ២០១៧ ស្ថិតភូមិថ្មរមៀលខាងលិចនិងខាងកើតឃុំបន្ទាយឆ្មាស្រុកថ្មពួក។
អាជ្ញាធរមូលដ្ឋានឃុំបន្ទាយឆ្មារបានប្រាប់ថា ប្រជាពលរដ្ឋដែលរងគ្រោះដោយខ្យល់កន្ត្រាក់បណ្តាលខូចខាតរួមមានទី១-ឈ្មោះ សុង ស៊ីថា ភេទប្រុស អាយុ២៨ឆ្នាំ ខូចខាតធ្ងន់ធ្ងរ ទី២-ឈ្មោះ ប៊ី សារ៉េត ភេទប្រុស អាយុ៥៤ឆ្នាំ ប៉ើងដំបូលផ្ទះ ទី៣-ឈ្មោះ ទេន វិទូ ភេទប្រុស អាយុ៣០ឆ្នាំ ប៉ើងដំបូល ទី៤-ឈ្មោះ ពេជ ពឿន ភេទប្រុសអាយុ៥១ឆ្នាំ ប៉ើងដំបូលផ្ទះ ដែលរស់នៅភូមិខាងលើ។
តាមសម្តីម្ចាស់ផ្ទះរងការខូចខាតបានប្រាប់ថា នៅអំឡុងប្រមាណម៉ោង០៤ទៀបភ្លឺមានភ្លើងលាយឡំដោយខ្យល់កន្ត្រាក់ប៉ះពាល់ផ្ទះសម្បែងប្រជាពលរដ្ឋចំនួន៤ខ្នងដែលបណ្តាលខូចខាតធ្ងន់ធ្ងរ១ខ្នងនិងប៉ើងដំបូល៣ខ្នង។
អាជ្ញាធរមូលដ្ឋានបានបញ្ជាក់ថា ក្រោយពេលដែលប្រជាពលរដ្ឋរងគ្រោះដោយខ្យល់កន្ត្រាក់បណ្តាលខូចខាតអស់ចំនួន៤ខ្នងបានរាយការណ៍ជូនគណៈកម្មាធិការគ្រោះមហន្តរាយខេត្តដើម្បីជួយដល់ប្រជាពលរដ្ឋដែលរងគ្រោះដោយខ្យល់កន្ត្រាក់នៅឃុំបន្ទាយឆ្មារស្រុកថ្មពួក ៕
ចំនួនអ្នកទស្សនា
- ថ្ងៃនេះ8251
- ម្សិលមិញ9421
- សប្តាហ៍នេះ63911
- ខែនេះ179061
- ឆ្នាំនេះ179061
- សរុប20621517