អគ្គកុងស៊ុលកម្ពុជាប្រចាំខេត្តស្រះកែវប្រទេសថៃបានបញ្ជូនសាកសពពលករខ្មែរ២នាក់តាមច្រកទ្វារអន្តរជាតិប៉ោយប៉ែត
06-November-2017 | ដោយ ពល បញ្ញា
បន្ទាយមានជ័យ ៖ សពប្រជាពលរដ្ឋខ្មែរ ២នាក់ដែលបានទទួលមរណៈភាពនៅក្នុងប្រទេសថៃ ត្រូវបានអគ្គកុងស៊ុលកម្ពុជាប្រចាំខេត្តស្រះកែវប្រទេសថៃបានបញ្ជូនមកស្រុកកំណើតវិញកាលពីថ្ងៃទី០៤ ខែវិច្ឆិកា ឆ្នាំ២០១៧ តាមច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ។
សាកសពពលករខ្មែរ ២នាក់ដែលបញ្ជូនមករួមមានទី១-ឈ្មោះ ឡៃ ហួន ភេទប្រុស អាយុ២៩ឆ្នាំ មុខរបបកម្មករសំណង់ នៅខេត្តឈុនបូរីប្រទេសថៃបានស្លាប់ដោយគ្រោះថ្នាក់ចរាចរណ៍កាលពីថ្ងៃទី០៣ ខែវិច្ឆិកា ឆ្នាំ២០១៧ រស់នៅភូមិពោធិ៍ពីរដើម ឃុំរហាត់ទឹក ស្រុកមង្គលបូរី ទី២-ឈ្មោះ ស្ងួន ភ័ណ ភេទស្រី អាយុ២៦ឆ្នាំ មុខរបបកម្មករសំណង់ ក្រុងបាងកកប្រទេសថៃ ដែលស្លាប់ដោយសារជំងឺក្អកធ្លាក់ឈាមរហូតដល់ស្លាប់កាលពីថ្ងៃទី០៣ ខែវិច្ឆិកា ឆ្នាំ២០១៧ រស់នៅភូមិគោកព្រិចឃុំតាផូ ស្រុកស្វាយចេក។
មន្ត្រីអគ្គកុងស៊ុលកម្ពុជាប្រចាំខេត្តស្រះកែវបានប្រាប់ថា សាកសពពលករខ្មែរ២នាក់ដែលត្រូវបញ្ជូនតាមច្រកទ្វារអន្តរជាតិប៉ោយប៉ែខេត្តបន្ទាយមានជ័យដើម្បីប្រគល់ជូនសាច់ញាតិទទួលយកធ្វើបុណ្យតាមប្រណី ៕
ចំនួនអ្នកទស្សនា
- ថ្ងៃនេះ8931
- ម្សិលមិញ9421
- សប្តាហ៍នេះ64591
- ខែនេះ179741
- ឆ្នាំនេះ179741
- សរុប20622197