ពលករខ្មែរ៣នាក់ទៀតហើយដែលសមត្ថកិច្ចថៃចាប់ខ្លួន ពេលចូលកាប់ឈើក្រញូងក្នុងខេត្តបូរីរាំប្រទេសថៃ
06-November-2017 | ដោយ ពល បញ្ញា
បន្ទាយមានជ័យ ៖ ពលករខ្មែរ៣នាក់ទៀតហើយដែល សមត្ថកិច្ចថៃចាប់ខ្លួនពេលចូលកាប់ឈើក្រញូងក្នុងតំបន់ស្រុនួនកិនដែងកាលពីថ្ងៃទី០៤ ខែវិច្ឆិកា ឆ្នាំ២០១៧ ស្ថិតក្នុងខេត្តបូរីរាំប្រទេសថៃ។
ព័ត៌មានបានអោយដឹងថាមានប្រជាពលរដ្ឋចំនួន៣នាក់ត្រូវបានកម្លាំងសមត្ថកិច្ចថៃចាប់ខ្លួនខណៈពេលដែលលួចកាប់ឈើក្រញូងនៅក្នុងតំបន់ស្រុនួនកិនដែងខេត្តបូរីរាំ ដែលឈមក្នុងខេត្តឧត្តរមានជ័យចាប់មានឈើក្រញូងជាច្រើនដំនិងរណាដៃធំសម្រាប់លួចកាត់ឈើក្រញូង។
គួររំលឹកថា៖កាលពីកន្លងទៅថ្មីៗនេះសម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃបានមានប្រសាសន៍ថា បញ្ហាច្រករបៀងខុសច្បាប់ត្រូវបិទអោយអស់មិនអោយមានបើសិនមានអ្នកដែលទទួលខុសត្រូវមានកម្លាំងនគបាលការពារព្រំដែនគោកនិងយោធាការពារដែន។ ព្រោះបញ្ហាច្រករបៀងខុសច្បាប់គឺត្រូវបានកងកម្លាំងឈរជើងតាមបន្ទាត់ព្រំដែនបានលួចបើកច្រករបៀងល្មើសច្បាប់ឃុបឃឹតជាមួយមេខ្យល់អោយពលខ្មែរលួចចូលកាប់ឈើប្រទេសជិតខាងដោយខុសច្បាប់។
សម្តេចក្រឡាហោមដាក់វិធានការចំពោះកម្លាំងនគរការពារព្រំដែនគោក និងកម្លាំងយោធារការពារព្រំដែនបើសិនមានលួចបើកច្រករបៀងល្មើសនិងច្បាប់គឺត្រូវទទួលខុសត្រូវចំពោះមុខច្បាប់ព្រោះការលួចបើកច្រករបៀងឃុបឃិតជាមួយមេខ្យល់និងឈ្មួញលួចចូលកាប់ឈើក្រញូងខុសច្បាប់ត្រូវសមត្ថកិច្ចប្រទេសជិតខាងចាប់បានដាក់គុកនិងច្រវ៉ាក់។ ដើម្បីចូលរួមការពារសុវត្ថិភាពប្រជាពលរដ្ឋត្រូវលុបបំបាតអោយអស់មិនអោយមានលួចបើកច្រករបៀងដោយល្មើសច្បាប់ឡើយ ៕
ចំនួនអ្នកទស្សនា
- ថ្ងៃនេះ8501
- ម្សិលមិញ9421
- សប្តាហ៍នេះ64161
- ខែនេះ179311
- ឆ្នាំនេះ179311
- សរុប20621767