នគរបាលប៉ុស្តិ៍ឃាត់ខ្លួនជនសង្ស័យ៣ នាក់ពាក់ព័ន្ធករណីគ្រឿងញៀន
06-November-2017 | ដោយ ពល បញ្ញា
ភ្នំពេញ ៖ ជនសង្ស័យប្រើប្រាស់គ្រឿងញៀន បីនាក់ត្រូវបានកម្លាំងប៉ុស្តិ៍គោកឃ្លាង ឃាត់កាលពីថ្ងៃទី៥ ខែវិច្ឆិកា ឆ្នាំ២០១៧ វេលាម៉ោង២២និង៣០នាទី នៅចំណុចតាមផ្លូវបេតុង ភូមិរោងចក្រ សង្កាត់គោកឃ្លាង ខណ្ឌសែនសុខ។
លោកវរសេនីយ៍ត្រី គួក សុខហួរ បានឲ្យដឹងថាជនសង្ស័យ៣នាក់រួមមានទី១-ឈ្មោះ កែវ លឹមឈៀក ភេទប្រុស អាយុ ២១ឆ្នាំ មុខរបរមិនពិតប្រាកដ ស្នាក់នៅភូមិព្រៃខ្លា សង្កាត់ក្រាំងធ្នង់ ខណ្ឌសែនសុខ , ទី២-ឈ្មោះ ឃឹម សុខធី ភេទប្រុស អាយុ៣០ឆ្នាំ មុខរបរមិនពិតប្រាកដ ស្នាក់នៅបន្ទប់ជួល ភូមិដំណាក់ សង្កាត់គោកឃ្លាង ខណ្ឌសែនសុខ, ទី៣-ឈ្មោះ ផន សុខវីន ភេទប្រុស អាយុ២២ ឆ្នាំ មុខរបរមិនពិតប្រាកដ ស្នាក់នៅភូមិប៉ប្រកខាងជើង សង្កាត់កាកាប ខណ្ឌពោធិ៍សែនជ័យ។
សម្ភារៈដកហូត ៖ ម៉ូតូចំនួនមួយគ្រឿង ម៉ាកMSX ពណ៌ស ខ្មៅ គ្មានស្លាកលេខ ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាន នគរបាលខណ្ឌសែនសុខដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ1971
- ម្សិលមិញ4281
- សប្តាហ៍នេះ13501
- ខែនេះ49091
- ឆ្នាំនេះ387071
- សរុប20829527