រថយន្តបុកម៉ូតូបណ្តាលឲ្យរបួសធ្ងន់ ២នាក់ នៅក្រុងខេមរភូមិន្ទ
07-November-2017 | ដោយ ពល បញ្ញា
កោះកុង ៖ បុរសម្នាក់២នាក់បានរងរបួសធ្ងន់ក្នុងករណីគ្រោះថ្នាក់ចរាចរណ៍រវាងរថយន្តបុកជាមួយម៉ូតូ នៅព្រឹកថ្ងៃទិ៧ ខែវិច្ឆិកា ឆ្នាំ២០១៧ នៅលើផ្លូវជាតិលេខ៤៨ ចំណុចផ្លូវកោងខ្លាំង ក្នុងភូមិ១សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
សមត្ថកិច្ចបានឲ្យដឹងថាអ្នកបើកបររថយន្ដ ឈ្មោះ តាំង ហ៊ាន ភេទ ប្រុស អាយុ ២៨ឆ្មាំ ជនជាតិខ្មែរ មានទីលំនៅ ឃុំ អ្នកលឿង ស្រុកពាមរ ខេតៃ្តព្រៃវែង បើករថយន្ដ ម៉ាក ហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3D-0534 បើកបរមកពីទិសខាងកើត ឆ្ពោះទៅទិសខាងលិច មកដល់ចំណុចកើតហេតុ ខាងលើ បានបុក និងម៉ូតូ មួយគ្រឿង បើកបរដោយ ឈ្មោះ និន ជូរ ភេទប្រុស អាយុ២២ឆ្នាំ ជនជាតិខ្មែរ មានទីលំនៅ ភូមិស្រែអំបិល ឃុំស្រែបិល ស្រុកស្រែអំបិល ខេត្តកោះកុង មុខរបរកម្មកររោងចក្របើកម៉ូតូ ម៉ាក ហុងដាវេវ ពណ៌ខ្មៅ ពាក់ស្លាកលេខ កោះកុង 1A-7660 បើកបរ ពីទិសខាងលិចឆ្ពោះទៅទិខាងកើត ត្រូវរបួសធ្ងន់ មានអ្នករួមដំណើរខាងក្រោយឈ្មោះ អ៊ុក សុវណថា ភេទស្រី អាយុ ២១ឆ្នាំ ជនជាតិខ្មែរ មុខរបរ កម្មកររោងចក្រ មានទីលំនៅភូមិត្រពាំងរូង ឃុំត្រពាំងរូង ស្រុកកោះកុង ខេត្តកោះកុង ត្រូវរងរបួសធ្ងន់ អ្នកទាំងពីរ ត្រូវបានរថយន្ដសង្គ្រោះដឹកបញ្ជូនមកមន្ទីរពេទ្យបង្អែកខេត្តកោះកុង អ្នកបើកបរម៉ូតូនិងអ្នករួមដំណើរ ពាក់មួកសុវត្តិភាព។
មូលហេតុ អ្នកបើកបរម៉ូតូ ប្រើប្រាស់ល្បឿនចំណុចផ្លូវកោង មិនគោរពស្ដាំ។ រថយន្ដ និងម៉ូតូ សមត្ថកិច្ច បានធ្វើការដកហូត រក្សាទុកជាបណ្ដោះអាសន្ននៅការិយាល័យចរាចរណ៍ ផ្លូវគោក ៕
ចំនួនអ្នកទស្សនា
- ថ្ងៃនេះ9581
- ម្សិលមិញ9421
- សប្តាហ៍នេះ65241
- ខែនេះ180391
- ឆ្នាំនេះ180391
- សរុប20622847