ខួបអនុស្សាវរីយ៍លើកទី៦៤ ថ្ងៃបុណ្យឯករាជ្យជាតិ និង កំណើតកងទ័ព
09-November-2017 | ដោយ ពលមនសិការ
សៀមរាប ៖ នាព្រឹកថ្ងៃទី០៩ ខែវិច្ឆិកា ឆ្នាំ គឺជាថ្ងៃប្រវតិ្តសាស្ត្រ របស់ប្រជាពលរដ្ឋកម្ពុជា ទទួលបាននូវឯករាជ្យ ក្រោមព្រះរាជបូជនីយកិច្ចរបស់ព្រះករុណាសម្តេច ព្រះនរោត្តមសីហនុ ព្រះបរមរតនកោដ្ឋពីពួកអាណានិគមបារាំងសេសហើយត្រូវបានថ្នាក់ដឹកនាំ មន្ត្រី រាជការ កងកម្លាំងប្រដាប់អាវុធអាជ្ញាធរមូលដ្ឋានប្រជាពលរដ្ឋនៅទូទាំងព្រះរាជាណាចក្រកម្ពុជា បានប្រារព្ធពិធីរម្លឹកនូវខួបអនុស្សាវរីយ៍លើកទី៦៤ ថ្ងៃបុណ្យឯករាជ្យជាតិ ០៩ វិច្ឆិកា១៩៥៣ និង០៩ វិច្ឆិកា២០១៧ទោះបីព្រះអង្គបានសោយទិវង្គតក៏ពិតមែន តែស្មាតី ៩វិច្ឆិកា បានស្ថិតនៅជាប់ក្នុងក្រអៅបេះដូងប្រជានុរាស្ត្រខ្មែរ យើងគ្រប់រូប នូវស្នាព្រះហស្ថ របស់ព្រះអង្គដល់សង្គមខ្មែរទាំងវិស័យពុទ្ធចក្រនិងអាណាចក្រប្រកបដោព្រះបញ្ញាណ ដ៏ភ្លឺថ្លាគ្រប់កាលៈទេសៈដឹកនាំប្រទេសជាតិក្នុងសម័យសង្គមរាស្ត្រនិយម។
ដោយឡែកនៅខេត្តសៀមរាប ឯកឧត្តម លោកជំទាវ ជាគណៈអភិបាលខេត្ត ក្រុមប្រឹក្សាខេត្ត មេបញ្ជាការយោធភូមិភាគទី៤ មេបញ្ជាការកងពលតូច កងពលធំតំបន់ប្រតិបត្តិការសិករងស្នងការនគរបាលខេត្តកងរាជអាវុធហត្ថខេត្តនិងថ្នាក់ដឹកនាំមន្ទីរមន្ត្រីរាជការអាជ្ញាធរក្រុងបានអញ្ជើញមកជួបជុំគ្នានៅបរិវេណវិមានរម្លឹកគុណយុទ្ធជនខេត្តសៀមរាបក្រោមវត្តមានរបស់ឯកឧត្តមនាយឧត្តមសេនីយ៍ឯក ជា ម៉ន មេបញ្ជាការរងកងទ័ពជើងគោកនិងជាមេបញ្ជាការយោធភូមិភាគទី៤ និង ឯកឧត្តមបណ្ឌិត ឃឹម ប៊ុនសុង អភិបាលនៃគណៈអភិបាលខេត្តឯកឧត្តម នូ ផល្លា ប្រធានក្រុមប្រឹក្សាខេត្តសៀមរាប ។
ក្នុងការរម្លឹកនូវខួបអនុស្សាវរីយ៍លើកទី៦៤ ជាថ្ងៃទិវាឯករាជ្យជាតិ០៩វិច្ឆិកា និងកំណើកងយោធពលខេមរភូមិន្ទនិងក៏ជាការរម្លឹកនូវស្នាព្រះហស្ថព្រះរាជបូជនីយកិច្ចរបស់សម្តេចព្រះនរោត្តម សីហនុ ព្រះបរមរតនកោដ្ឋ ដែលទ្រង់បានលះបង់ព្រះកាយពលព្រះបញ្ញាណយ៉ាងខ្លាំងក្លាតស៊ូ ក្នុងក្របខណ្ឌនៃព្រះរាជបូជនីយកិច្ច ក្នុងការទាមទារឯករាជ្យ នៅកម្ពុជាឲ្យបានរួចចាកផុតពីនឹមត្រួតត្រារបស់អាណានិគមនិយមបារាំងនិងបានប្រកាសឯករាជ្យជាតិនាថ្ងៃទី០៩ វិច្ឆិកា ១៩៥៣នៃព្រះវីរភាពដ៏អង់អាចក្លាហាននេះគឺជាព្រះរាជគំរូដ៏ល្អដល់កូនចៅជំនាន់ក្រោយ ក្នុងការកសាង ការពារបូរណភាពទឹកដី។ ផ្តើមចេញពីគំរូព្រះវីរភាពនេះ រាជរដ្ឋាភិបាលកម្ពុជា ក្រោមកិច្ចដឹកនាំដ៏ឈ្លាសវៃប្រកបដោយគតិបណ្ឌិតដ៏ខ្ពង់ខ្ពស់របស់សមេ្តចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានធ្វើឲ្យប្រទេសជាតិទាំងមូលមានកិច្ចអភិវឌ្ឍ រីកចម្រើនលើគ្រប់ហេដ្ឋារចនាសម្ព័ន្ធនិងបានលើកកម្ពស់ជីវភាពរស់នៅរបស់ប្រជាពលរដ្ឋ កាន់តែមានភាពល្អប្រសើរឡើងពីមួយថ្ងៃទៅមួយថ្ងៃ ព្រមទាំងទទួលយកនូវក្រុមនិន្នាការនយោបាយមកចូលរួមក្នុងការអភិវឌ្ឍ សង្គមជាតិផងដែរ។
ម្យ៉ាងទៀតកងកម្លាំងយោពលខេមរភូមិន្ទ ធ្វើការប្រឆាំងដាច់ខាត ចំពោះការធ្វើបដិវត្តន៍ពណ៌ ក្នុងការប៉ុងប៉ងផ្តួលរលំរាជរដ្ឋាភិបាលស្របច្បាប់ដែលកើតចេញឡើងពីស្មារតីគាំទ្ររបស់ប្រជាពលរដ្ឋកម្ពុជាតាមរយៈការបោះឆ្នោតព្រមទាំងប្តេជ្ញាការពារនូវសុខសន្តិភាពជូនជាតិមាតុភូមិទៀតផង។
ក្នុងពិធីនោះដែរនៅតាមបណ្តាផែនមេបញ្ជាការយោធភូមិភាគ គណៈអភិបាលខេត្ត កងកម្លាំងប្រដាប់អាវុធ មន្ទីរអង្គភាពបានអញ្ជើញដាក់នូវកម្រងផ្កាបូជាទៀនធូបគោរពព្រះដួងវិញ្ញាណក្ខន្ធថ្វាយជូនព្រះករុណាព្រះបាទ សម្តេចព្រះនរោត្តម សីហនុ ព្រះបរមរតនកោដ្ឋ និង វិញ្ញាណក្ខន្ធវីរភាពរបស់បុព្វបុរស កម្មាភិបាលយុទ្ធជន យុទ្ធនារីអ្នកស្នេហាជាតិមាតុភូមិក្នុងការសង្គ្រោះជាតិនិងប្រជាជន ឲ្យរួចផុតពីរបបប្រល័យពូជសាសន៍ ប៉ុល ពត និង អ្នកសេ្នហាជាតិគ្រប់ជំនាន់ដែលបានពលីជីវិត ក្នុងបុព្វហេតុរំដោះជាតិកសាងការពារជាតិមាតុភូមិដើម្បីភាពសុខសាន្តដល់ប្រជាពលរដ្ឋកម្ពុជាទាំងមូលផងដែរ ៕
ចំនួនអ្នកទស្សនា
- ថ្ងៃនេះ9861
- ម្សិលមិញ9421
- សប្តាហ៍នេះ65521
- ខែនេះ180671
- ឆ្នាំនេះ180671
- សរុប20623127