ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ សិស្សានុសិស្ស និងប្រជាពលរដ្ឋខេត្តព្រះសីហនុ ប្រារឰពិធីអបអរសាទរបុណ្យឯករាជ្យជាតិលើកទី៦៤
09-November-2017 | ដោយ ពលមនសិការ
ព្រះសីហនុ ៖ ព្រឹកថ្ងៃ៩ ខែវិច្ឆិកា ឆ្នាំ២០១៧នេះ នៅវេទិកាបុណ្យជាតិ បានប្រារឰពិធីមីទ្ទិញ អបអរសាទរ ខួបអនុស្សាវរីយលើកទី៦៤ នៃទិវាបុណ្យឯករាជ្យជាតិ ៩ វិច្ឆិកា ១៩៥៣-៩ វិច្ឆិកា ២០១៧ និង ខួបកំណើតកងយោធពលខេមរភូមិន្ទ។
ពិធីនេះប្រព្រឹត្តឡើងក្រោមអធិបតីភាព ឯកឧត្តម ជាម ហ៊ីម ប្រធានក្រុមប្រឹក្សាខេត្តព្រះសីហនុ ឯកឧត្តម យន្ត មីន អភិបាលខេត្ត ព្រះសីហនុ និង ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ សិស្សានុសិស្ស និងប្រជាពលរដ្ឋខេត្តព្រះសីហនុ ជាច្រើននាក់បានមកចូលរួមអបអរសាទរយ៉ាងច្រើនកុះករ។
បន្ទាប់ពីប្រារឰពិធីផ្សេងៗរួចមក ឯកឧត្តម យន្ត មីន អភិបាលខេត្តព្រះសីហនុ បាន ឡើងថ្លែងសុន្ទរកថាយ៉ាងក្បោះក្បាយ អំពីប្រវត្តិសាស្ត្របុណ្យឯករាជ្យ ៩ វិច្ឆិកា ឆ្នាំ១៩៥៣ ដែលមិនអាចបំភ្លេចបាននូវស្នាព្រះហស្ថ ដ៏ថ្លៃថ្លា របស់ព្រះបាទ ព្រះបរមរតនកោដ្ឋ សម្តេចព្រះនរោត្តមសីហនុ ព្រះមហាវីរក្សត្រ នៃ ព្រះរាជាណាចក្រកម្ពុជា បានដឹកនាំការតស៊ូយ៉ាងប្តូរផ្តាច់ ទាំងក្នុងប្រទេសនិងនៅលើឆាកអន្តរជាតិ ទាមទារ បានឯករាជ្យពេញលេញ មកវិញ ពីរបបអាណានិគមបារាំង ដែលត្រូវបានគ្រប់គ្រងប្រទេសកម្ពុជាអស់រយៈពេលជាងមួយសតសវត្ស ៕
ចំនួនអ្នកទស្សនា
- ថ្ងៃនេះ9701
- ម្សិលមិញ9421
- សប្តាហ៍នេះ65361
- ខែនេះ180511
- ឆ្នាំនេះ180511
- សរុប20622967