បុរសម្នាក់ត្រូវនគរបាលឃាត់ខ្លួនពាក់ព័ន្ធករណីហិង្សាដោយចេតនា
10-November-2017 | ដោយ ពលមនសិការ
ភ្នំពេញ ៖ កាលពីថ្ងៃទី៩ ខែវិច្ឆិកា ឆ្នាំ២០១៧ វេលាម៉ោង២០និង១០នាទី នៅចំណុចមាត់ព្រែក ផ្ទះគ្មានលេខ ផ្លូវលំ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ កម្លាំងប៉ុស្តិ៍នគរបាលរដ្ឋបាលព្រែកព្នៅបានឃាត់ខ្លួនជនសង្ស័យម្នាក់ពីបទហិង្សា ដោយចេតនា បញ្ជូនមកអធិការដ្ឋាននគរបាលខណ្ឌ។
លោកវរសេនីយ៍ឯក ឈិន គីមធុយ អធិការខណ្ឌព្រែកព្នៅ បានឲ្យដឹងថាជនសង្ស័យឈ្មោះ ង្វៀង ទិង ភេទប្រុស អាយុ៣០ឆ្នាំ ជនជាតិវៀតណាម មុខរបរជាងសោរ ស្នាក់នៅផ្ទះគ្មានលេខ ផ្លូវលំ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។ ចំណែកជនរងគ្រោះឈ្មោះ បៀង យ៉ាំងឡឹក ភេទប្រុស អាយុ៣០ឆ្នាំ ជនជាតិវៀតណាម មុខរបរចិញ្ចឹមត្រីស្នាក់នៅផ្ទះគ្មានលេខ ផ្លូវលំ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
វត្ថុតាងចាបយក៖ កាំបិតបុ័ងតោដងឈើចំនួនមួយដើម។ ស្លាកស្នាមរបួស របួសសើរស្បែកសម្រាកព្យាបាលនៅផ្ទះ។ បច្ចុប្បន្នជនសង្ស័យរួមទាំងវត្ថុតាងឃាត់ខ្លួននៅអធិការដ្ឋាននគរបាលខណ្ឌព្រែកព្នៅ ដើម្បីកសាងសុំណុំរឿងបញ្ជូនទៅតុលាការ ៕
ចំនួនអ្នកទស្សនា
- ថ្ងៃនេះ9991
- ម្សិលមិញ9421
- សប្តាហ៍នេះ65651
- ខែនេះ180801
- ឆ្នាំនេះ180801
- សរុប20623257