នគរបាលខេត្តកំពង់ចាមបញ្ជូនជនសង្ស័យ ៤នាក់ទៅពន្ធនាគារខេត្ត
10-November-2017 | ដោយ ពលមនសិការ
កំពង់ចាម ៖ កាលពីថ្ងៃទី០៧ ខែវិច្ឆិកា ឆ្នាំ២០១៧ ត្រូវបានលោក ប៉ុក សុវណ្ណមុន្នី ចៅក្រមស៊ើបសួរសាលាដំបូងខេត្តកំពង់ចាម បានចេញដីកាបង្គាប់ឲ្យឃុំខ្លួនលេខ ៧០៩.៧១០.៧១១.៧១២ ចុះថ្ងៃទី១០ ខែវិច្ឆិកា ឆ្នាំ២០១៧ សម្រេចឃុំខ្លួនជនជាប់ចោទចំនួន០៤នាក់ ពីបទៈ ឆបោក ដែលប្រព្រឹត្តកាលពីថ្ងៃទី០៧ ខែវិច្ឆិកា ឆ្នាំ២០១៧ នៅភូមិដូនដី ឃុំជ្រៃវៀន ស្រុកព្រៃឈរ ខេត្តកំពង់ចាម ។
សូមរំលឹកផងដែរថាៈ កាលពីថ្ងៃទី០៧ ខែវិច្ឆិកា ឆ្នាំ២០១៧ កម្លាំងអធិការដ្ឋាននគរបាលស្រុកព្រៃឈរ បង្ក្រាប ហើយបានធ្វើការឃាត់ខ្លួនជនសង្ស័យចំនួន០៤នាក់ រួមមានទី១-ឈ្មោះ នួន អាតី ភេទស្រី អាយុ៣២ឆ្នាំ ជនជាតិខ្មែរ មុខរបរ លក់ផ្លែឈើ មានទីកន្លែងកំណើតនៅភូមិតាឌូ ឃុំរកាក្រៅ ស្រុកដូនកែវ ខេត្តតាកែវ និងអាស័យដ្ឋានបច្ចុប្បន្ននៅភូមិល្វាលើ សង្កាត់ក្រាំងធ្នង់ ខណ្ឌពោធិសែនជ័យ រាជធានីភ្នំពេញ, ទី២-ឈ្មោះ ឆ័យ ផានិត ភេទប្រុស អាយុ២៧ឆ្នាំ ជនជាតិខ្មែរ មុខរបរ លក់ផ្លែឈើ មានទីកន្លែងកំណើតនៅភូមិស្តៅ ឃុំស្តៅ ស្រុកកងមាស ខេត្តកំពង់ចាម និងអាស័យដ្ឋានបច្ចុប្បន្ននៅភូមិក្រាំងធ្នង់ សង្កាត់ក្រាំងធ្នង់ ខណ្ឌពោធិសែនជ័យ រាជធានីភ្នំពេញ, ទី៣-ឈ្មោះ គិន ផាន់ណា ភេទប្រុស អាយុ២៦ឆ្នាំ ជនជាតិខ្មែរ មុខរបរ រត់ម៉ូតូឌុប មានទីកន្លែងកំណើតនៅភូមិ២ សង្កាត់ទឹកល្អក់ ខណ្ឌទួលគោក រាជធានីភ្នំពេញ និងអាស័យដ្ឋានបច្ចុប្បន្ននៅភូមិវណ្ណៈ សង្កាត់ក្រាំងធ្នង់ ខណ្ឌពោធិសែនជ័យ រាជធានីភ្នំពេញ, និងទី៤-ឈ្មោះ លី ស្រីយ៉ា ភេទស្រី អាយុ២៥ ឆ្នាំ ជនជាតិខ្មែរ មុខរបរ កម្មការនីរោងចក្រ មានទីកន្លែងកំណើតនៅភូមិទួលសង្កែ សង្កាតទួលសង្កែ ខណ្ឌឬស្សីកែវ រាជធានីភ្នំពេញ និងអាស័យដ្ឋានបច្ចុប្បន្ននៅភូមិល្វាក្រោម សង្កាត់ក្រាំងធ្នង់ ខណ្ឌពោធិសែនជ័យ រាជធានីភ្នំពេញ ។
បច្ចុប្បន្នជនជាប់ចោទត្រូវបានសមត្ថកិច្ចបញ្ជូនទៅឃុំខ្លួននៅពន្ធនាគារខេត្តកំពង់ចាម រួចរាល់ហើយ នៅថ្ងៃទី១០ ខែវិច្ឆិកា ឆ្នាំ២០១៧ ទៅតាមបញ្ញត្តិច្បាប់មាត្រា ៣៧៧ និងមាត្រា ៣៧៨ នៃក្រមព្រហ្មទណ្ឌ ៕
ចំនួនអ្នកទស្សនា
- ថ្ងៃនេះ9951
- ម្សិលមិញ9421
- សប្តាហ៍នេះ65611
- ខែនេះ180761
- ឆ្នាំនេះ180761
- សរុប20623217