បង្ក្រាបល្បែងស៊ីសង២កន្លែងឃាត់ខ្លួនមនុស្ស៥នាក់
13-November-2017 | ដោយ ពលមនសិការ
បាត់ដំបង ៖ កាលពីថ្ងៃទី១១ ខែវិច្ឆិកា ឆ្នាំ២០១៧ វេលាម៉ោង ១៥និង៤០នាទី ក្រុមបង្ការបង្ក្រាប នៃស្នងការដ្ឋាននគរបាលខេត្ត បានចុះបង្ក្រាបករណីល្បែងស៊ីសង (លក់កន្ទុយលេខ) ចំនួន ០២គោលដៅ នៅក្នុងស្រុកសង្កែ ខេត្តបាត់ដំបង ឃាត់ខ្លួនបានមនុស្សស្រីចំនួន ០៥នាក់។
ប្រភពពីសមត្ថកិច្ចបានរាយការណ៍អោយដឹងថា អ្នកប្រព្រឹត្តិល្បែងស៊ីសងទាំង ៥នាក់ រួមមានទី១-ឈ្មោះ ព្រំ ចាន់ថន ភេទស្រី អាយុ ៦០ឆ្នាំ មានទីលំនៅភូមិច្រាបវាល ឃុំអន្លង់វិល ស្រុកសង្កែ ខេត្តបាត់ដំបង (ជាមេកន្ទុយលេខ) ទី២-ឈ្មោះ ឡោ នាង ភេទស្រី អាយុ ៥៨ឆ្នាំ មានទីលំនៅភូមិនរា១ ឃុំនរា ស្រុកសង្កែ ខេត្តបាត់ដំបង (ជាមេកន្ទុយលេខ) ទី៣ ឈ្មោះ ឡឹប ខរី ភេទ ស្រី អាយុ ៤៨ឆ្នាំ មានទីលំនៅភូមិនរា១ ឃុំនរា ស្រុកសង្កែ ខេត្តបាត់ដំបង (ជាអ្នកចាក់កន្ទុយលេខ) ទី៤-ឈ្មោះ ម៉េត ខ្លឹង ភេទស្រី អាយុ ៥៩ឆ្នាំ មានទីលំនៅភូមិនរា១ ឃុំនរា ស្រុកសង្កែ ខេត្តបាត់ដំបង (ជាអ្នកចាក់កន្ទុយលេខ) និងទី៥-ឈ្មោះ ម៉ាន ហ្វារីយ៉ាស់ ភេទស្រី អាយុ ៣២ឆ្នាំ មានទីលំនៅភូមិនរា១ ឃុំនរា ស្រុកសង្កែ ខេត្តបាត់ដំបង (ជាអ្នកចាក់កន្ទុយលេខ)។
វត្ថុតាងដកហូតសរុបរួមមាន លុយខ្មែរ ៤៦០,០០០រៀល (បួនសែនប្រាំមួយម៉ឺនរៀល) ក្រដាស់កត់លេខឆ្នោតចំនួន ០៥សន្លឹក ប៊ិច ចំនួន ០៣ដើម បន្ទាត់ចំនួនមួយដើម។ បច្ចុប្បន្ន សមត្ថកិច្ចជំនាញរៀបចំសំណុំរឿង ដើម្បីចាត់ការបន្តតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ211
- ម្សិលមិញ10851
- សប្តាហ៍នេះ66731
- ខែនេះ181881
- ឆ្នាំនេះ181881
- សរុប20624337