យុវជនម្នាក់បើកលឿន បុករថយន្តកុងតឺន័របណ្តាលឲ្យស្លាប់នៅកន្លែង
13-November-2017 | ដោយ ពលមនសិការ
ស្វាយរៀង ៖ យុវជនម្នាក់បានស្លាប់ភ្លាមៗនៅកន្លែងកើតហេតុ បន្ទាប់ជួបគ្រោះថ្នាក់ចរាចរណ៍រវាងរថយន្តបុកជាមួយម៉ូតូ កាលពីថ្ងៃទី១២ ខែវិច្ឆិកា ឆ្នាំ២០១៧ វេលាម៉ោង២២និង១៥នាទី នៅលើផ្លូវជាតិលេខ១ ចន្លោះគីឡូម៉ែត្រ១៥១-១៥២ ស្ថិតក្នុងភូមិព្រៃទប់ សង្កាត់ព្រៃអង្គុញ ក្រុងបាវិត ខេត្តស្វាយរៀង។
មន្ត្រីនគរបាលខេត្តស្វាយរៀងបានឲ្យដឹងថា មានករណីគ្រោះថ្នាក់ចរាចណ៍មួយកើតឡើងរវាងរថយន្តនិងម៉ូតូក្នុងទិសដៅបញ្ច្រាសគ្នាពីលិច ទៅកើត បើកបរដោយឈ្មោះ សួន សុខស៊ីទី ភេទប្រុស អាយុ១៩ឆ្នាំ ជនជាតិខ្មែរមុខរបរបុគ្គលិកកាស៊ីណូមានទីលំនៅភូមិព្រៃតាញ៉យឃុំស្វាយតាយានស្រុកកំពង់រោទ៍ខេត្តស្វាយរៀង ជិះម៉ូតូម៉ាកហុង ដាសេ125 ពណ៌ខ្មៅ ពាក់ស្លាកភ្នំពេញ 1CE-2455 បើកបរពីលិចទៅកើតលុះដល់កន្លែងកើតហេតុខាងលើបានបុកប៉ះនិងរថយន្តកុងតឺន័រមួយគ្រឿង ពណ៌ខៀវពាក់ស្លាកលេខ ភ្នំពេញ 3B-4127 បើកបរដោយឈ្មោះ គង់ សាភ័ណ្ឌ ភេទប្រុស អាយុ៣០ឆ្នាំ មុខរបរបើកបររថយន្តមានទីលំនៅភូមិ ក្រោលគោ ឃុំក្រោលគោ ស្រុកស្វាយជ្រំ ខេត្តស្វាយរៀង។
ក្រោយពីបង្ករហេតុរួចអ្នកបើកបររថយន្តបានបើកគេចខ្លួនរហូតដល់ស្រុកស្វាយទាបទើបសមត្ថកិច្ចស្ទាក់ចាប់បាន។ បច្ចុប្បន្នសាកសពត្រូវបានសមត្ថកិច្ចយើងប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។
រីឯអ្នកបើកបរនិងរថយន្តបានបញ្ជួនទៅការរិយាល័យជំនាញខេត្តរួចហើយចំណែកវត្ថុតាងម៉ូតូសមត្ថកិច្ចយើងយកមករក្សាទុកនៅប៉ុស្តិ៍នគរបាលរដ្ផបាលសង្កាត់ព្រៃអង្គុញដើម្បីបំពេញសំណុំរឿងចាត់ការតាមនិតិវិធីច្បាប់ ៕
ចំនួនអ្នកទស្សនា
- ថ្ងៃនេះ431
- ម្សិលមិញ10851
- សប្តាហ៍នេះ66951
- ខែនេះ182101
- ឆ្នាំនេះ182101
- សរុប20624557